ESPN:前曼聯翼鋒蘭尼接近登陸美職聯

睇足365 於 16/02/2019 發表 收藏文章
前曼聯翼鋒蘭尼今季再度重返成名地士砵亭,雖然佢喺葡超表現出色,仍有可能喺短期內離隊。《ESPN》報導,蘭尼接近與一家美職聯球會完成談判,相信交易好快會得到落實。


32歲嘅蘭尼喺2017-18球季由拉素外借到華倫西亞,今季就自由身加盟葡超士砵亭,係佢生涯第3次加盟。雖然蘭尼已經淡出主流聯賽,但佢喺士砵亭仍然不俗,聯賽上陣18場貢獻7入球4助攻,歐霸5場交出1入球1助攻,各項賽事已取得9入球7助攻。雖然如此,但報導指出士砵亭將會出售蘭尼,原因係球會正積極縮減薪酬開支,美職聯2019球季將會喺3月初展開,美職聯球會如希望喺開季時引入拿尼,勢必要支付轉會費,同時蘭尼喺呢個傳統「掘金聖地」嘅待遇必定優厚,可謂一家便宜兩家著。

《ESPN》早喺1月底已經報導,透露有消息來源指蘭尼轉投美職聯球會嘅機會係 "50-50" 。不過事情喺最近有新進展,《ESPN》指蘭尼同美職聯球會奧蘭多城嘅談判已經進入最後階段,完成交易之後,蘭尼將會成為奧蘭多城「特許球員」 (designated player) 。

(奧蘭多城曾簽下前巴西球星卡卡)

美國四大運動聯盟一貫採用工資上限 (salary cap) 限制球隊總郱薪酬支出,期望平衡各隊實力, 根據美職聯特許球員規則 (Designated Player Rule) ,俗稱「碧咸規則」(Beckham Rule) ,球隊可以簽下三位特定球員,薪酬不計入工資上限,令球隊得以簽入貴價海外球星,提升聯賽注目程度。

《ESPN》報導指,蘭尼嘅加盟仍有一大障礙,奧蘭多城陣中已經擁有三位「特許球員」,分別係 Dom Dwyer 、 Sacha Kljestan 兩名美國國腳,以及巴拉圭小國腳 Josué Colmán ,其中一人勢將被放走,或者減薪到非「特許球員」級別。奧蘭多城亦可選擇取消其中一人嘅「特許球員」身分,並使用聯盟額外發放嘅「目標分配資金」 (Targeted Allocation Money) 去支付部分或全部薪金,令球隊總工資符合工資上限規定。據悉,伊巴謙莫域初加盟洛杉磯銀河時,正係使用「目標分配資金」,避免計入球隊總工資,但佢喺新球季將會轉為「特許球員」。

Source: ESPN

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→