星期三晚上，年僅16歲嘅羅奇代爾 (Rochdale) 小將路克馬菲遜 (Luke Matheson) 喺「夢劇院」奧脫福球場出賽，果然得到夢幻般結果，雖然佢效力嘅羅奇代爾最終仍互射12碼不敵曼聯，但球隊表現雖敗猶榮，更足夠令路克馬菲遜銘記一生。
今仗英格蘭聯賽盃第三圈，曼聯主場出擊，面對英甲下游球隊羅奇代爾，紅魔鬼縱使輪換陣容，派出洛河、菲爾鍾斯、費特，以致年輕球員杜安斯比、鍾達希、格連活特等，球員名氣、身價上仍然遠超羅奇代爾。 比賽形勢方面，曼聯固然控制場面，但羅奇代爾亦不乏入波機會，其中一次依靠雲比沙加護空門力保不失，及後曼聯68分鐘先由格連活特入波打破僵局。
76分鐘，羅奇代爾左路攻勢，傳中被雲比沙加封堵彈高，司職右閘嘅路克馬菲遜拍馬趕到遠柱，第一時間凌空抽射破網，為羅奇代爾追平1-1，逼到曼聯要以互射12碼分勝負。最終，曼聯互射12碼以5-3勝出晉級。
為羅奇代爾射入扳平一球嘅路克馬菲遜2002年10月2日出生，現時仍然未滿17歲，已經一圓好多低組別球員終其職業生涯都未必有幸實現嘅夢想——喺奧脫福球場入波。佢亦憑呢一球寫下英格蘭球壇歷史，上一位於英格蘭聯賽盃入波嘅16歲球員，係現時效力利物浦嘅張伯倫：2010年8月，當年只得16歲又360日嘅張伯倫代表修咸頓，對般尼茅夫取得入球兼贏波而回。路克馬菲遜只得16歲又358日，剛好比當年嘅張伯倫年幼兩日，成為英格蘭聯賽盃史上最年輕入球球員。
路克馬菲遜賽後接受訪問，表示第二日要返學校測驗：「我今日原本要返學，雖然聽日學校放假，但我要返學校補返今日嘅心理學測驗。我好緊張，我諗今晚可能瞓唔到覺。」
「羅奇代爾同埋學校都好支持我。我鍾意學習，呢個係我想做嘅嘢。足球唔係太有保障，你永遠唔知道會發生咩事，你有可能成為世上最佳球員，但同時其他情況都有可能發生。我需要有一條後路保障自己。」
原來路克馬菲遜今個月開學啱啱升上預科，開始準備A-level考試，而佢係一位文武雙出嘅學生。羅奇代爾主帥巴利梅菲 (Brian Barry-Murphy) 透露：「路克馬菲遜嘅GCSE會考成績，同佢嘅足球一樣咁好，我哋已經冇理會佢嘅年紀，將佢當成同其他球員一樣。」
路克馬菲遜現已為羅奇代爾上陣12次，今季英甲獲得兩次正選上陣機會，聯賽盃三次正選上陣，全部踢足全場。羅奇代爾位於大曼徹斯特郡，所以路克馬菲遜表示，身邊大部分朋友都係曼聯球迷，但佢自己就跟隨爸爸成為咗諾域治球迷。
https://www.youtube.com/watch?v=f5K9UHdcEBU
Source: BBC
今仗英格蘭聯賽盃第三圈，曼聯主場出擊，面對英甲下游球隊羅奇代爾，紅魔鬼縱使輪換陣容，派出洛河、菲爾鍾斯、費特，以致年輕球員杜安斯比、鍾達希、格連活特等，球員名氣、身價上仍然遠超羅奇代爾。 比賽形勢方面，曼聯固然控制場面，但羅奇代爾亦不乏入波機會，其中一次依靠雲比沙加護空門力保不失，及後曼聯68分鐘先由格連活特入波打破僵局。
76分鐘，羅奇代爾左路攻勢，傳中被雲比沙加封堵彈高，司職右閘嘅路克馬菲遜拍馬趕到遠柱，第一時間凌空抽射破網，為羅奇代爾追平1-1，逼到曼聯要以互射12碼分勝負。最終，曼聯互射12碼以5-3勝出晉級。
為羅奇代爾射入扳平一球嘅路克馬菲遜2002年10月2日出生，現時仍然未滿17歲，已經一圓好多低組別球員終其職業生涯都未必有幸實現嘅夢想——喺奧脫福球場入波。佢亦憑呢一球寫下英格蘭球壇歷史，上一位於英格蘭聯賽盃入波嘅16歲球員，係現時效力利物浦嘅張伯倫：2010年8月，當年只得16歲又360日嘅張伯倫代表修咸頓，對般尼茅夫取得入球兼贏波而回。路克馬菲遜只得16歲又358日，剛好比當年嘅張伯倫年幼兩日，成為英格蘭聯賽盃史上最年輕入球球員。
路克馬菲遜賽後接受訪問，表示第二日要返學校測驗：「我今日原本要返學，雖然聽日學校放假，但我要返學校補返今日嘅心理學測驗。我好緊張，我諗今晚可能瞓唔到覺。」
「羅奇代爾同埋學校都好支持我。我鍾意學習，呢個係我想做嘅嘢。足球唔係太有保障，你永遠唔知道會發生咩事，你有可能成為世上最佳球員，但同時其他情況都有可能發生。我需要有一條後路保障自己。」
原來路克馬菲遜今個月開學啱啱升上預科，開始準備A-level考試，而佢係一位文武雙出嘅學生。羅奇代爾主帥巴利梅菲 (Brian Barry-Murphy) 透露：「路克馬菲遜嘅GCSE會考成績，同佢嘅足球一樣咁好，我哋已經冇理會佢嘅年紀，將佢當成同其他球員一樣。」
路克馬菲遜現已為羅奇代爾上陣12次，今季英甲獲得兩次正選上陣機會，聯賽盃三次正選上陣，全部踢足全場。羅奇代爾位於大曼徹斯特郡，所以路克馬菲遜表示，身邊大部分朋友都係曼聯球迷，但佢自己就跟隨爸爸成為咗諾域治球迷。
https://www.youtube.com/watch?v=f5K9UHdcEBU
Source: BBC
請按此登錄後留言。未成為會員? 立即註冊