12月死亡賽期炒埋一碟,高普聯賽盃晉級仲頭痕:「如賽期唔啱可能要退出」

睇足365 於 31/10/2019 發表 收藏文章
英超球隊利物浦昨晚喺英格蘭聯賽盃同阿仙奴踢成5-5,最終憑互射12碼5:4淘汰對手,晉身8強。不過家家有本難念的經,有時晉級反而有壞處,原因係聯賽盃8強原定將會安排喺12月中進行,而喺同一星期,利物浦踢完英超比賽就要飛到卡塔爾參加世界冠軍球會盃 (FIFA Club World Cup) 踢四強,如果晉級仲要喺三日內踢埋決賽,所以呢場聯賽盃8強勢將需要改期。



由於利物浦取得上季歐聯冠軍,今年12月將會去到卡塔爾參加世界冠軍球會盃,其中一場對韋斯咸嘅英超比賽已經因此改期,但利物浦由11月27日至1月2日之間連續6個星期都會有周中賽事,仲未計算因為啱啱晉級聯賽盃8強,要再加插一場比賽。



高普喺對阿仙奴賽後接受訪問:「FIFA要我哋去踢世界冠軍球會盃,呢邊又要我哋踢聯賽盃,我哋都會嘗試踢晒佢,但如果搵唔到合適嘅時間,我哋唔會俾佢發生喺我哋嘅歇冬期入面,亦唔會乜日子都應承,因為我哋需要休息。

如果真係搵唔到一個適合嘅時間俾我哋,例如唔可以係聖誕節晏晝3點啦,咁我哋就唔會踢。佢哋需要處理呢個問題。

希望呢個過程而家開始,我覺得賽程問題而家變得好明顯,我哋唔會做受害者。我哋今晚踢呢場比賽,我哋係想贏嘅,但如果賽期唔適當,我哋就冇辦法參加下一圈比賽,我哋嘅對手將會自動晉級,或者阿仙奴可以補上。」

Sky Sports列出利物浦賽程

Source: Sky Sports

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→