日本聯賽 2018球季已經完結，J League 球會喺官網上公布球會傳奇小笠原滿男 (小笠原 満男 Ogasawara Mitsuo) 掛靴嘅消息，呢位38歲前日本國腳結束佢20年嘅鹿島鹿角生涯。
司職中場嘅小笠原滿男，係鹿島鹿角嘅 "One Club Man" ，因為佢自高中之後就被鹿島鹿角簽下，由1998年至今仍然效力呢間球會，中途就只有2006-07球季短暫到意大利外闖，以外借形式加盟當時征戰意甲嘅墨西拿 (A.C.R. Messina)。不過，小笠原喺意甲並未得到重用，只上陣8場射入1球，一年後就重返鹿島鹿角，墨西拿多年後亦因多次破產而沉淪，現時只喺意丁作賽。
鹿島鹿角作為日職史上最成功球會，已經贏得8次 J League 冠軍，小笠原滿男就為球隊贏得其中7次，佢仲取得4次天王盃、5次日本聯賽盃、4次日本超級盃及2018亞冠盃。小笠原滿男個人亦曾經勇奪2009 J League MVP、2009日本足球先生及6次入選J League年度最佳11人等殊榮，各項賽事為球隊上陣725場正式比賽，射入96球。今季，小笠原滿男仍然為球隊於各項賽事上陣24場。
▲小笠原滿男職業生涯最後一年，以球會史上首個亞冠盃冠軍作結。
小笠原滿男為日本國家隊上陣55場射入7球，曾經出戰2002及2006世界盃。原來當年2002世界盃日本大軍名單中，除小笠原滿男外，仲有另外4位球員仍然征戰2018 J League，另外有四位喺日本低組別球隊效力，部分來季已經肯定唔會繼續踢，例如川口能活及福西崇史，稻本潤一就約滿離隊成為自由身，其餘暫時情況未明。
J League
曾端準 (曽ヶ端 準)
39歲嘅門將曾端準係小笠原滿男隊友，同樣係鹿島鹿角嘅 "One Club Man" ，佢係完全土生土長嘅本地人，由鹿島中學、鹿島高校再到鹿島鹿角，至今已為鹿島鹿角上陣528場聯賽，國家隊就只得4次上陣紀錄。
稻本潤一 (稲本 潤一)
39歲中場稻本潤一有效力阿仙奴 (未有上陣)、富咸、西布朗、卡迪夫城、加拉塔沙雷、法蘭克福等海外球會嘅經驗，有83次國家隊上陣紀錄。2015-18球季，稻本潤一效力北海道札幌岡薩多，今季完結後約滿離隊，未有落班或退役嘅消息。
小野伸二同樣嚟自北海道札幌岡薩多嘅老牌國腳，小野伸二年輕時亦曾經外流，效力飛燕諾、波琴等球會，國家隊上陣56次，呢位39歲中場仍然係北海道札幌岡薩多一員。
楢崎正剛 (楢﨑 正剛)
門將楢崎正剛以42歲之齡仍然效力名古屋鯨魚，佢自1999年從橫濱飛翼 (後跟橫濱水手合併) 加盟以嚟，就效力名古屋至今，不過自球隊2018球季由J2回歸J1之後就冇喺聯賽上陣，未知會唔會喺短期內退役。佢生涯為國家隊上陣77次。
低組別
中山雅史
中山雅史已經年屆51歲之齡，佢本來已經喺2012年離開北海道札幌岡薩多後退役，但喺2015復出加盟現J3球隊沼津青藍 (アスルクラロ沼津) ，雖然資料顯示未有顯示佢嘅上陣紀錄，但佢曾經同球會續約，2018球季仍保留球員身分。中山雅史為日本上陣53場射入21球。
福西崇史
前磐田山葉球星福西崇史今年42歲，2018球季佢效力著名漫畫《足球小將》中提及嘅地區球會南葛SC，最近宣佈2019球季將會出任球隊監督一職，曾經為國家隊上陣64場。
川口能活
前日本國門川口能活2018年仍效力J3球隊SC相模原，曾經為國上陣116次嘅佢，球季結束時以43之齡退役。
明神智和
明神智和長年效力於柏西素爾及大阪飛腳，2017球季至今效力 J3 球隊長野帕塞羅 (AC長野パルセイロ)，只為日本隊上陣26次。
Source: 鹿島鹿角官網、SoccerKing、Wiki
司職中場嘅小笠原滿男，係鹿島鹿角嘅 "One Club Man" ，因為佢自高中之後就被鹿島鹿角簽下，由1998年至今仍然效力呢間球會，中途就只有2006-07球季短暫到意大利外闖，以外借形式加盟當時征戰意甲嘅墨西拿 (A.C.R. Messina)。不過，小笠原喺意甲並未得到重用，只上陣8場射入1球，一年後就重返鹿島鹿角，墨西拿多年後亦因多次破產而沉淪，現時只喺意丁作賽。
鹿島鹿角作為日職史上最成功球會，已經贏得8次 J League 冠軍，小笠原滿男就為球隊贏得其中7次，佢仲取得4次天王盃、5次日本聯賽盃、4次日本超級盃及2018亞冠盃。小笠原滿男個人亦曾經勇奪2009 J League MVP、2009日本足球先生及6次入選J League年度最佳11人等殊榮，各項賽事為球隊上陣725場正式比賽，射入96球。今季，小笠原滿男仍然為球隊於各項賽事上陣24場。
▲小笠原滿男職業生涯最後一年，以球會史上首個亞冠盃冠軍作結。
小笠原滿男為日本國家隊上陣55場射入7球，曾經出戰2002及2006世界盃。原來當年2002世界盃日本大軍名單中，除小笠原滿男外，仲有另外4位球員仍然征戰2018 J League，另外有四位喺日本低組別球隊效力，部分來季已經肯定唔會繼續踢，例如川口能活及福西崇史，稻本潤一就約滿離隊成為自由身，其餘暫時情況未明。
引用2002世界盃日本代表：
1 川口能活
2 秋田豐
3 松田直樹
4 森岡隆三
5 稻本潤一6 服部年宏
7 中田英壽
8 森島寬晃
9 西澤明訓
10 中山雅史
11 鈴木隆行
12 楢崎正剛
13 柳澤敦
14 三都主
15 福西崇史
16 中田浩二
17 宮本恆靖
18 小野伸二
19 小笠原滿男
20 明神智和
21 戶田和幸
22 市川大祐
23 曾端準
J League
曾端準 (曽ヶ端 準)
39歲嘅門將曾端準係小笠原滿男隊友，同樣係鹿島鹿角嘅 "One Club Man" ，佢係完全土生土長嘅本地人，由鹿島中學、鹿島高校再到鹿島鹿角，至今已為鹿島鹿角上陣528場聯賽，國家隊就只得4次上陣紀錄。
稻本潤一 (稲本 潤一)
39歲中場稻本潤一有效力阿仙奴 (未有上陣)、富咸、西布朗、卡迪夫城、加拉塔沙雷、法蘭克福等海外球會嘅經驗，有83次國家隊上陣紀錄。2015-18球季，稻本潤一效力北海道札幌岡薩多，今季完結後約滿離隊，未有落班或退役嘅消息。
小野伸二同樣嚟自北海道札幌岡薩多嘅老牌國腳，小野伸二年輕時亦曾經外流，效力飛燕諾、波琴等球會，國家隊上陣56次，呢位39歲中場仍然係北海道札幌岡薩多一員。
楢崎正剛 (楢﨑 正剛)
門將楢崎正剛以42歲之齡仍然效力名古屋鯨魚，佢自1999年從橫濱飛翼 (後跟橫濱水手合併) 加盟以嚟，就效力名古屋至今，不過自球隊2018球季由J2回歸J1之後就冇喺聯賽上陣，未知會唔會喺短期內退役。佢生涯為國家隊上陣77次。
低組別
中山雅史
中山雅史已經年屆51歲之齡，佢本來已經喺2012年離開北海道札幌岡薩多後退役，但喺2015復出加盟現J3球隊沼津青藍 (アスルクラロ沼津) ，雖然資料顯示未有顯示佢嘅上陣紀錄，但佢曾經同球會續約，2018球季仍保留球員身分。中山雅史為日本上陣53場射入21球。
福西崇史
前磐田山葉球星福西崇史今年42歲，2018球季佢效力著名漫畫《足球小將》中提及嘅地區球會南葛SC，最近宣佈2019球季將會出任球隊監督一職，曾經為國家隊上陣64場。
川口能活
前日本國門川口能活2018年仍效力J3球隊SC相模原，曾經為國上陣116次嘅佢，球季結束時以43之齡退役。
明神智和
明神智和長年效力於柏西素爾及大阪飛腳，2017球季至今效力 J3 球隊長野帕塞羅 (AC長野パルセイロ)，只為日本隊上陣26次。
Source: 鹿島鹿角官網、SoccerKing、Wiki
請按此登錄後留言。未成為會員? 立即註冊