球圈中有部分球員嘅行為係令人難以理解，最經典當然係「巴神」巴洛迪利喺自己屋企放煙火導致失火，例子仲有好多，例如前利物浦球員比拿美因為聚餐時要求懷斯唱歌被拒，居然嘗試用高爾夫球棍重擊懷斯小腿骨，幸好後者及時避過，比拿美後來仲要喺比賽中用打高爾夫球作為入球慶祝動作，真係唔知個腦諗乜；伊巴謙莫域亦曾因為被加度素取笑而將後者掟落垃圾桶。原來做出瘋狂行為欺負隊友嘅，仲有迪亞高哥斯達。
迪亞高哥斯達一向都係球場惡漢，踢法硬朗之餘，會主動挑釁對手，又不時使出陰濕「超技術」。不過，過去經常以為迪亞高哥斯達係嗰種作為對手令人討厭，但你會慶幸佢係你隊友嘅球員。因為佢雖然看似魯莽，但其實好識得觀察場上形勢，包括球證尺度、自己領牌風險、對手是否可以招惹，只要勢色唔對，佢會搖身一變成為乖乖仔，絕少為球隊添麻煩，同時又擅於影響對手情緒，作為前鋒又有一定防守能力，亦懂得與隊友配合，應該係一個好隊友。
不過原來佢同比賽一樣會揀人「蝦」。年僅20歲嘅巴黎聖日耳門門將馬辛保爾卡 (Marcin Bułka) ，曾經於2016-19年效力車路士，呢位波蘭U20國腳近日不斷爆料，包括早前於受訪時透露PSG翼鋒迪馬利亞仍對曼聯耿耿於懷，一見到電視台播曼聯就會轉台。馬辛保爾卡最近接受訪問，又憶述喺車路士受訓嘅日子，親眼睇到迪亞高哥斯達做出匪夷所思嘅事，佢話有一日喺訓練中，小將查路巴 (Nathaniel Chalobah) 被攔截後倒地狀甚痛苦，迪亞高哥斯達覺得查路巴詐傷，於是好嬲咁用西班牙文講粗口，之後查路巴仍然瞓喺地上，迪亞高哥斯達就除咗條褲然後坐落查路巴塊面，之後跑走，作為目擊者嘅馬辛保爾卡感到十分驚訝，可惜佢冇透露其他隊友同查路巴嘅反應。
今季踏入31歲嘅迪亞高哥斯達，2018年1月重返馬體會，狀態漸衰，今年已經惡唔出樣，飽受傷患困擾，連續缺陣近12場聯賽。至於與弟弟同樣出身車路士青訓嘅查路巴，曾經為車路士一隊上陣15場，司職防守中場嘅佢於2017-18球季轉投屈福特，至今已為球隊上陣79次。
馬辛保爾卡訪問片段，全文翻譯見Reddit
https://youtu.be/UDTNuSo9MMU
Source: DailyMail、TheSun、Reddit
迪亞高哥斯達一向都係球場惡漢，踢法硬朗之餘，會主動挑釁對手，又不時使出陰濕「超技術」。不過，過去經常以為迪亞高哥斯達係嗰種作為對手令人討厭，但你會慶幸佢係你隊友嘅球員。因為佢雖然看似魯莽，但其實好識得觀察場上形勢，包括球證尺度、自己領牌風險、對手是否可以招惹，只要勢色唔對，佢會搖身一變成為乖乖仔，絕少為球隊添麻煩，同時又擅於影響對手情緒，作為前鋒又有一定防守能力，亦懂得與隊友配合，應該係一個好隊友。
不過原來佢同比賽一樣會揀人「蝦」。年僅20歲嘅巴黎聖日耳門門將馬辛保爾卡 (Marcin Bułka) ，曾經於2016-19年效力車路士，呢位波蘭U20國腳近日不斷爆料，包括早前於受訪時透露PSG翼鋒迪馬利亞仍對曼聯耿耿於懷，一見到電視台播曼聯就會轉台。馬辛保爾卡最近接受訪問，又憶述喺車路士受訓嘅日子，親眼睇到迪亞高哥斯達做出匪夷所思嘅事，佢話有一日喺訓練中，小將查路巴 (Nathaniel Chalobah) 被攔截後倒地狀甚痛苦，迪亞高哥斯達覺得查路巴詐傷，於是好嬲咁用西班牙文講粗口，之後查路巴仍然瞓喺地上，迪亞高哥斯達就除咗條褲然後坐落查路巴塊面，之後跑走，作為目擊者嘅馬辛保爾卡感到十分驚訝，可惜佢冇透露其他隊友同查路巴嘅反應。
今季踏入31歲嘅迪亞高哥斯達，2018年1月重返馬體會，狀態漸衰，今年已經惡唔出樣，飽受傷患困擾，連續缺陣近12場聯賽。至於與弟弟同樣出身車路士青訓嘅查路巴，曾經為車路士一隊上陣15場，司職防守中場嘅佢於2017-18球季轉投屈福特，至今已為球隊上陣79次。
馬辛保爾卡訪問片段，全文翻譯見Reddit
https://youtu.be/UDTNuSo9MMU
Source: DailyMail、TheSun、Reddit
請按此登錄後留言。未成為會員? 立即註冊