既生瑜，何生亮。C朗拿度、美斯兩名球王級人馬曾經同時於西甲征戰，各為其主，成為宿敵，雖然踢法及特點截然不同，仍然成為外間不斷爭論、比較嘅對象。
當年一人效力皇家馬德里，另一人效力巴塞隆拿，C朗、美斯嘅球迷自然勢成水火，但兩名球王卻從未惡言相向。事實上，二人早於多年前，已經表示同對方唔係朋友，但亦毫無敵意。C朗離開皇馬後，從皇馬、巴塞呢對國內世仇嘅氛圍中抽身，更向美斯釋出善意。當時C朗向傳媒表示，當今球壇只有美斯同佢自己可以超過10年保持巔峰水平，又話希望美斯有一日可以過意甲同佢再鬥過。美斯後來亦表示，想念C朗喺西甲嘅日子，希望佢可以重返西甲。
美斯已32歲、C朗已34歲，二人壟斷金球獎嘅日子已過，今日歐洲足協進行歐聯分組抽籤及頒獎禮，UEFA年度最佳球員由利物浦中堅雲迪克奪得，呢個獎項 (連同前身) 美斯曾奪得3次，C朗曾奪得4次。作為球壇代表人物，兩名球王並肩坐喺前排 (仲有雲迪克)，自然成為司儀訪問對象。
女司儀上前問：「我見到你哋不斷傾繼，係唔係掛住人呀？」（美斯以西班牙語回應）
C朗就話：「我哋一齊喺呢個舞台已經15年。我唔知足球史上有冇發生過咁樣嘅事 (指二人共同稱霸球壇多年) ，絕對唔容易。
當然我哋嘅關係好好，但我哋仲未試過一齊食晚飯，希望將來有機會。
我記掛喺西班牙踢波嘅日子，我哋之間15年嘅爭鬥，係好事嚟。佢推動我進步，我都推動佢進步。好榮幸可以成為足球歷史上嘅一部分，有我，當然亦都有佢。」
女司儀仲問C朗將來會唔會同美斯一齊掛靴，C朗就話美斯比自己年輕兩歲，不過自己仍然感覺良好，大家喺未來幾年仍然會見到佢喺度。
Source: UEFA
當年一人效力皇家馬德里，另一人效力巴塞隆拿，C朗、美斯嘅球迷自然勢成水火，但兩名球王卻從未惡言相向。事實上，二人早於多年前，已經表示同對方唔係朋友，但亦毫無敵意。C朗離開皇馬後，從皇馬、巴塞呢對國內世仇嘅氛圍中抽身，更向美斯釋出善意。當時C朗向傳媒表示，當今球壇只有美斯同佢自己可以超過10年保持巔峰水平，又話希望美斯有一日可以過意甲同佢再鬥過。美斯後來亦表示，想念C朗喺西甲嘅日子，希望佢可以重返西甲。
美斯已32歲、C朗已34歲，二人壟斷金球獎嘅日子已過，今日歐洲足協進行歐聯分組抽籤及頒獎禮，UEFA年度最佳球員由利物浦中堅雲迪克奪得，呢個獎項 (連同前身) 美斯曾奪得3次，C朗曾奪得4次。作為球壇代表人物，兩名球王並肩坐喺前排 (仲有雲迪克)，自然成為司儀訪問對象。
女司儀上前問：「我見到你哋不斷傾繼，係唔係掛住人呀？」（美斯以西班牙語回應）
C朗就話：「我哋一齊喺呢個舞台已經15年。我唔知足球史上有冇發生過咁樣嘅事 (指二人共同稱霸球壇多年) ，絕對唔容易。
當然我哋嘅關係好好，但我哋仲未試過一齊食晚飯，希望將來有機會。
我記掛喺西班牙踢波嘅日子，我哋之間15年嘅爭鬥，係好事嚟。佢推動我進步，我都推動佢進步。好榮幸可以成為足球歷史上嘅一部分，有我，當然亦都有佢。」
女司儀仲問C朗將來會唔會同美斯一齊掛靴，C朗就話美斯比自己年輕兩歲，不過自己仍然感覺良好，大家喺未來幾年仍然會見到佢喺度。
Source: UEFA
請按此登錄後留言。未成為會員? 立即註冊