阿仙奴冇錢?愛華頓:我有! 傳拖肥願出雙倍價錢購韋費特沙夏

睇足365 於 20/07/2019 發表 收藏文章
水晶宮前鋒韋費特沙夏早前已表明意欲離隊,但據報同佢「情投意合」嘅阿仙奴預算拮据,未能滿足水晶宮嘅轉會費要求;如此同時,卻傳出愛華頓有意成為「程咬金」。


根據較早前報導,26歲水晶宮前鋒韋費特沙夏已表示希望於今夏離隊,但其主帥鶴臣就對《Sky Sports》表示,並冇聽過韋費特沙夏表示要離開球隊,又稱有信心沙夏將會留隊。報導又指,韋費特沙夏與球會及主帥之間並冇問題,佢希望離隊純粹係希望去一間更大嘅球會證明自己。



不過,據《Sky Sports》報導,阿仙奴雖然係韋費特沙夏屬意加盟嘅球會,但佢哋只向水晶宮開出4000萬鎊轉會費。水晶宮今夏將年輕後衛雲比沙加出售到曼聯已收到約5000萬鎊,對球隊核心韋費特沙夏嘅目標價定然只會更高,因此阿仙奴簽下韋費特沙夏嘅希望已接近幻滅。同時,盛傳阿仙奴已將目標轉向巴西新星艾華頓。

《BBC》引述地區報章傳聞,《Evening Standard》指出縱使水晶宮為韋費特沙夏標價8000萬鎊,愛華頓仍然有意出手求購。報導認為,愛華頓即將於短期內完成出售年輕翼鋒陸文 (Ademola Lookman) 到德甲球隊RB萊比錫,收回2250萬英鎊,對斥資收購韋費特沙夏有幫助,而且愛華頓班主聲稱球會今夏可花大筆金錢增兵。現時,愛華頓陣中只有禾確特及米拉拿斯以右翼為主要位置。

不過,愛華頓球會發展雖然比水晶宮好,但如韋費特沙夏離隊係希望參加歐洲賽,上季僅以第8名完成嘅愛華頓就未能滿足條件。



Source: Evening StandardBBCSky Sports90mins

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→