車迷掛住佢嗎?迪亞高哥斯達回歸馬體會首戰五分鐘即入波

睇足365 於 04/01/2018 發表 收藏文章
喺周中嘅英超比賽,上演咗阿仙奴大戰車路士嘅倫敦打吡,雙方有多次具威脅埋門攻勢,特別係車路士前鋒莫拉達三度未能把握單刀機會,最終雙方踢成2-2平手。與此同時,車路士舊將迪亞高哥斯達喺差唔多時間,上演回歸馬體會後嘅首戰,並隨即攻入一球。


呢場倫敦打吡成場波都好刺激,呢邊廂阿仙奴喺上半場有山齊士同拿卡錫迪攻門被門將古圖斯精彩救出,另一邊廂莫拉達都有幾次絕佳嘅機會可以射破施治嘅大門。不過場波搞到咁精彩,一定要多謝莫拉達,車迷更加係多得佢唔少,佢全場有三次單刀機會都未能把握,其中最離譜應該係以下呢球?


喺西班牙,接近時間上演咗一場西班牙國王盃賽事,馬德里體育會作客第三組別球會利達。喺夏季轉會窗加盟舊球會嘅前車路士前鋒迪亞高哥斯達,因為馬體會受到轉會禁令限制而未能註冊,直至冬季轉會窗開啟,今仗先可以上演回歸後首戰。

DC喺比賽64分鐘後備上陣,喺69分鐘就接應桑法蘭助攻,剷射破門,為球隊射成3-0,而馬體會最終以4-0大勝而回。


對比之下,有啲車迷就話好掛住DC,仲話莫拉達完美複製費蘭度托利斯喺車仔嘅埋門表現。

loading
loading

loading


莫拉達的確喺近仗都有失單刀嘅問題,似乎腳風唔多順,佢自己都好認同,賽後喺Twitter上表示自己會努力。

loading

不過如果單用呢一兩場嘅表現就話佢不如DC,就唔太公平,畢竟DC今仗對手只係西班牙第三組別球會。小弟都好同意車迷應該會掛住DC,特別係佢做嘅dirty work同佢嘅「打仔格」,不過以效率嚟計,莫拉達一啲都唔失禮,佢喺今季英超18場射入10球,射手榜上並列第五位,場均射入0.56球;DC為車路士踢過89場英超射入52球,場均入0.58球,雖然sample size唔同,但起碼證明莫拉達唔係差得咁緊要。不過莫拉達今季似乎用頭比較勁,用腳嘅把握力就的確係要再練下。


順帶一提,DC其實都有啲唔好彩,雖然首戰入波,但喺之後就證實右膝受傷,暫時未知要休息幾耐。

Source: Sky SportsThe SunGoal

如果喜歡我們的文章,請即分享到︰

留言


請按此登錄後留言。未成為會員? 立即註冊
  • OhMyGirl_Arin 於 04/01/2018 評論 NO. 1

    我掛住巴哥多d

  • OhMyGirl_Arin 於 04/01/2018 評論 NO. 2

    dc係勁過morata 呢個係事實 但佢個個轉會窗都話要走 佢唔煩我都煩

快捷鍵:←
快捷鍵:→