費Sir情況好轉已離開深切治療部 傳聞甦醒第一句話:「唐卡士打踢成點?」

睇足365 於 10/05/2018 發表 收藏文章
前曼聯領隊費格遜早前因為腦出血入院,呢位76歲老人家冇耐之前仲生龍活虎出席曼聯主場致敬阿仙奴領隊雲加嘅儀式,今次突然急病入院,更傳出可能有生命危險,令人感到意外。可幸,跟據英國傳媒報導,費Sir已經甦醒,並離開深切治療部。


費格遜爵士曾經喺4月29日曼聯主場對阿仙奴一仗公開露面,親自為即將終止22年槍手生涯嘅宿敵兼好友雲加,送上紀念品。


上周六,當地傳媒報導費格遜因為腦出血入院,佢其後進行手術後昏迷數日。一眾球圈人士紛紛送上祝福,雲加亦喺自己嘅歡送儀式致辭祝福費格遜早日康復。
最近終於傳來好消息,根據曼聯官方聲明及《BBC》報導,確認費格遜已經甦醒,而且情況樂觀,已經離開深切治療部,佢將會繼續留院休養。雲加接受訪問,得知費Sir最新情況後,感到高興,再次希望佢早日康復。

loading


較早前,有傳媒報導,費Sir甦醒後第一句說話係 「唐卡士打踢成點?」 (“How did Doncaster get on?”),唐卡士打係費Sir兒子戴倫費格遜執教嘅英甲球隊,反映費Sir對足球嘅熱外同埋同囝囝嘅父子情。唐卡士打今季排英甲下游,費Sir所關心嘅係唐卡士打對韋根 (5月6日) 嘅英甲煞科戰,但唐卡士打早已不受降班威脅,實屬無關痛癢,更顯費Sir對囝囝嘅關愛。呢場波,戴倫費格遜因為去醫院陪伴費Sir而缺席,球隊以0-1不敵韋根。


Source: BBCManUtdTheSun

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→