對老一輩球迷嚟講，足球其中一個引入入勝嘅地方係有好多球會之間嘅恩恩怨怨，令部分球賽嘅場面特別激烈，例如係各地嘅打吡戰 (derbies) ，但嚟到呢個年代，或者係全球化及波士文案關係，球員流動大大增加，好多球員實際上已經對所屬球會嘅歷史投入度唔高，好多打吡戰已經失去往日氣氛，名存實亡，好多球迷大嘆無癮。當然，另一邊廂會有球迷認為一啲打吡戰發生場內場外衝突，屬於過火行為，同時影響到純足球競技層面嘅觀賞價值。
不過，筆者作為新一代球迷，都認同適當程度嘅敵對情緒，的確係可以令人更加投入比賽，但事情總有程度之分，例如場內小打小鬧屬於可以接受，但例如球迷仇殺或對他人身體造成永久傷害呢啲情況就絕對唔應該，愛隊球員故意踢到對方收山，你總唔能夠話爽。以下嘅比賽，筆者個人認為係屬於可接受程度，「球味」十足嘅打吡戰，但激烈程度亦係近年英倫三島少見。
香港時間3月31日晚，蘇格蘭超級聯賽上演焦點打吡戰，些路迪主場迎戰格拉斯哥流浪，主隊以2-1擊敗死敵。由於歷史上嘅民族、宗教原因，兩支蘇格蘭球隊一直勢成水火，係世上其中一對最激烈嘅打吡戰組合。1980年一場蘇格蘭盃決賽，些路迪擊敗流浪奪冠，些路迪球迷衝入球場大肆慶祝引發混亂，被BBC主持形容為「世界末日」般嘅情景。
https://youtu.be/G5hL6UbstyE
兩隊球員打交時有發生：
嚟到今場打吡，雙方仍然火藥味十足，流浪有兩人被逐，賽後雙方更發生衝突。首先喺31分鐘，流浪前鋒摩尼路斯 (Alfredo Morelos) 因為肘擊些路迪隊長史葛布朗 (Scott Brown) 而領紅，流浪一方就認為史葛布朗從背後施小動作偷踩摩尼路斯，故意撩㷫呢位流浪前鋒，但當然，被球證睇到故意肘擊的話，領紅都無話可說。
https://i.imgur.com/qeU9TN8.gif
去到比賽尾段，些路迪隊長史葛布朗再同流浪嘅賴恩堅特 (Ryan Kent) 發生衝突，呢位22歲利物浦借將一拳打低史葛布朗。同摩尼路斯肘擊動作相比，今次更明顯嘅動作反而冇令賴恩堅特被逐，而且連黃牌都冇張，球證執法尺度簡直匪夷所思。
https://i.imgur.com/HPjgh1t.gif
不過去到完場，贏波嘅些路迪隊長史葛布朗大肆慶祝，再次辣㷫一眾死敵球員，雙方爆發衝突，更有些路迪球員嘅球衣被扯爛，而流浪喺衝突中再有夏尼地 (Andy Halliday) 領第二面黃牌。
賽後衝突片段
https://streamable.com/t8gdd
全場精華
https://www.youtube.com/watch?v=Dz3VbswfEn4
賽後，流浪主帥謝拉特批評史葛布朗全場不斷挑釁流浪球員。當然，由上述事件都睇得出，三次衝突主角都係些路迪隊長史葛布朗，明眼人都可以合理推斷出史葛布朗有可能真係周圍挑釁流浪球員，但以謝拉特球員時代嘅豐富經驗，踢過無數嘅「雙紅會」、默西塞德郡打吡，一定明白自己嘅球員未能忍受挑釁係「中計」、「中伏」，好似法國球王施丹喺世界盃決賽上拎紅牌咁，馬特拉斯出言侮辱施丹家人，道德上可能係對方有虧，或者你覺得一定要不計後果出一口氣，但喺以勝負論英雄嘅球場上沉唔住氣就係你自己蝕底，唯有經一事長一智。另外，球證執法尺度肯定有問題，些路迪角度會認為揮拳嘅賴恩堅特冇可能唔使拎紅牌 (其實任何局名人都會咁睇)，而喺流浪角度，賽後衝突中互有動作，亦冇可能只有夏尼地被警告。
對兩隊球迷嚟講，就一定食晒花生，十分投入，勝方些路迪嘅球迷固然興奮，輸波嘅流浪球迷亦都對流浪球員反擊嘅「血性」感到自豪，更有球迷發起眾籌，要球會買斷一拳打落史葛布朗面上嘅賴恩堅特。
Source: FFT、Telegraph
不過，筆者作為新一代球迷，都認同適當程度嘅敵對情緒，的確係可以令人更加投入比賽，但事情總有程度之分，例如場內小打小鬧屬於可以接受，但例如球迷仇殺或對他人身體造成永久傷害呢啲情況就絕對唔應該，愛隊球員故意踢到對方收山，你總唔能夠話爽。以下嘅比賽，筆者個人認為係屬於可接受程度，「球味」十足嘅打吡戰，但激烈程度亦係近年英倫三島少見。
香港時間3月31日晚，蘇格蘭超級聯賽上演焦點打吡戰，些路迪主場迎戰格拉斯哥流浪，主隊以2-1擊敗死敵。由於歷史上嘅民族、宗教原因，兩支蘇格蘭球隊一直勢成水火，係世上其中一對最激烈嘅打吡戰組合。1980年一場蘇格蘭盃決賽，些路迪擊敗流浪奪冠，些路迪球迷衝入球場大肆慶祝引發混亂，被BBC主持形容為「世界末日」般嘅情景。
https://youtu.be/G5hL6UbstyE
兩隊球員打交時有發生：
嚟到今場打吡，雙方仍然火藥味十足，流浪有兩人被逐，賽後雙方更發生衝突。首先喺31分鐘，流浪前鋒摩尼路斯 (Alfredo Morelos) 因為肘擊些路迪隊長史葛布朗 (Scott Brown) 而領紅，流浪一方就認為史葛布朗從背後施小動作偷踩摩尼路斯，故意撩㷫呢位流浪前鋒，但當然，被球證睇到故意肘擊的話，領紅都無話可說。
https://i.imgur.com/qeU9TN8.gif
去到比賽尾段，些路迪隊長史葛布朗再同流浪嘅賴恩堅特 (Ryan Kent) 發生衝突，呢位22歲利物浦借將一拳打低史葛布朗。同摩尼路斯肘擊動作相比，今次更明顯嘅動作反而冇令賴恩堅特被逐，而且連黃牌都冇張，球證執法尺度簡直匪夷所思。
https://i.imgur.com/HPjgh1t.gif
不過去到完場，贏波嘅些路迪隊長史葛布朗大肆慶祝，再次辣㷫一眾死敵球員，雙方爆發衝突，更有些路迪球員嘅球衣被扯爛，而流浪喺衝突中再有夏尼地 (Andy Halliday) 領第二面黃牌。
賽後衝突片段
https://streamable.com/t8gdd
全場精華
https://www.youtube.com/watch?v=Dz3VbswfEn4
賽後，流浪主帥謝拉特批評史葛布朗全場不斷挑釁流浪球員。當然，由上述事件都睇得出，三次衝突主角都係些路迪隊長史葛布朗，明眼人都可以合理推斷出史葛布朗有可能真係周圍挑釁流浪球員，但以謝拉特球員時代嘅豐富經驗，踢過無數嘅「雙紅會」、默西塞德郡打吡，一定明白自己嘅球員未能忍受挑釁係「中計」、「中伏」，好似法國球王施丹喺世界盃決賽上拎紅牌咁，馬特拉斯出言侮辱施丹家人，道德上可能係對方有虧，或者你覺得一定要不計後果出一口氣，但喺以勝負論英雄嘅球場上沉唔住氣就係你自己蝕底，唯有經一事長一智。另外，球證執法尺度肯定有問題，些路迪角度會認為揮拳嘅賴恩堅特冇可能唔使拎紅牌 (其實任何局名人都會咁睇)，而喺流浪角度，賽後衝突中互有動作，亦冇可能只有夏尼地被警告。
對兩隊球迷嚟講，就一定食晒花生，十分投入，勝方些路迪嘅球迷固然興奮，輸波嘅流浪球迷亦都對流浪球員反擊嘅「血性」感到自豪，更有球迷發起眾籌，要球會買斷一拳打落史葛布朗面上嘅賴恩堅特。
Source: FFT、Telegraph
請按此登錄後留言。未成為會員? 立即註冊