【聖誕禮物】越級七年些路迪神童丹比利,15歲簽下職業合約

睇足365 於 25/12/2018 發表 收藏文章

球迷應該仲記得網上有一張曼聯前鋒盧卡古青年軍時期嘅相片,當中「小魔獸」有著被同齡人高出「兩個頭」嘅身型,令佢大殺四方。今日要講嘅主角,卻以完全相反嘅姿態成為近年球壇其中一位極受期待嘅神童,佢係些路迪15歲小將卡拉莫高丹比利 (Kamaroko Dembele) 。


卡拉莫高丹比利10歲就加入蘇超球隊些路迪青年軍,2016年10月,仍以13歲之齡後備上陣出戰一場U20賽事,一鳴驚人。與盧卡古相反,丹比利係喺極大體型劣勢之下於球場上以才華取勝,相較於年長七年嘅對手,丹比利可以依賴嘅就只有佢出色嘅腳下功夫、速度及球賽閱讀能力。


今年平安夜,些路迪為呢位神童送上一份意義重大嘅「聖誕禮物」,宣布同佢簽訂首份職業合約,合約最少生效至2021年。




丹比利喺官方訪問中表示,衷心感謝球會教練及前輩對佢嘅教導,又明白以呢個年紀開展職業生涯並非易事,感謝家人嘅無限支持,佢將會以為一隊上陣為目標繼續努力。


前利物浦主帥羅渣士率領些路迪,暫時以一分優勢力壓利物浦名宿謝拉特執教嘅格拉斯哥流浪,佔據蘇超榜首席位,將會全力爭取衛冕。卡拉莫高丹比利於倫敦出生,又喺蘇格蘭發展,令佢受到英格蘭及蘇格蘭足協關注,現時佢已經分別為英格蘭U15及蘇格蘭U16出戰過,若果佢持續進步,勢必引起英、蘇國家隊激烈爭奪。


球王片:


Source: ESPNGuardian

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→