超級經理人拉奧拿 (Mino Raiola) 早前被國際足協 FIFA 發出全球禁令，禁止佢處理任何足球轉會，為期三個月。喺向體育仲裁法庭 (Court of Arbitration for Sport) 提出上訴後，佢嘅FIFA全球禁令於處理上訴期間暫緩執行，而首先向拉奧拿發出禁令嘅意大利足協，亦宣布撤回禁令。
經理人拉奧拿旗下球星包括迪列特、普巴、華拉堤、巴洛迪利、當拿隆馬、伊巴謙莫域等。根據早前轉會傳聞，意甲班霸祖雲達斯正密切關注阿積士隊長迪列特及曼聯中場普巴。
《Sky Sports》最新報導，祖雲達斯體育總監 Fabio Paratici 已經前往倫敦展開工作。《Sky Sports》認為 Fabio Paratici 此行除咗與車路士落實有關領隊沙利嘅離職談判之外，亦會前往曼聯位於倫敦嘅辦公室，與曼聯中場普巴面談。
26歲嘅普巴於曼聯出道後，一度轉往祖雲達斯發展，四年後以1.05億歐元 (9,325萬鎊) 天價重返曼聯。回巢三個球季後，普巴於曼聯嘅表現評價兩極，最近盛傳祖雲達斯有意再次邀請普巴加盟。《Sky Sports》指，祖雲達斯右閘簡些路 (João Cancelo) 亦會成為曼聯與祖雲達斯交易籌碼之一，同時原本有意引入簡些路嘅曼城，因為祖雲達斯標價4,400萬鎊而卻步。
Source: Sky Sports
經理人拉奧拿旗下球星包括迪列特、普巴、華拉堤、巴洛迪利、當拿隆馬、伊巴謙莫域等。根據早前轉會傳聞，意甲班霸祖雲達斯正密切關注阿積士隊長迪列特及曼聯中場普巴。
《Sky Sports》最新報導，祖雲達斯體育總監 Fabio Paratici 已經前往倫敦展開工作。《Sky Sports》認為 Fabio Paratici 此行除咗與車路士落實有關領隊沙利嘅離職談判之外，亦會前往曼聯位於倫敦嘅辦公室，與曼聯中場普巴面談。
26歲嘅普巴於曼聯出道後，一度轉往祖雲達斯發展，四年後以1.05億歐元 (9,325萬鎊) 天價重返曼聯。回巢三個球季後，普巴於曼聯嘅表現評價兩極，最近盛傳祖雲達斯有意再次邀請普巴加盟。《Sky Sports》指，祖雲達斯右閘簡些路 (João Cancelo) 亦會成為曼聯與祖雲達斯交易籌碼之一，同時原本有意引入簡些路嘅曼城，因為祖雲達斯標價4,400萬鎊而卻步。
Source: Sky Sports
請按此登錄後留言。未成為會員? 立即註冊