阿仙奴中場米希達恩因為政治因素而缺席歐霸決賽已成事實，到底米希達恩嘅祖國阿美尼亞同今次主辦歐霸決賽嘅阿塞拜疆之間，有咩血海深仇，令球員要放棄職業生涯中難得一次參加歐洲盃賽決賽嘅機會？
事情最新發展
由於米希達恩早前曾經因政治原因缺席作客對阿塞拜疆球隊卡拉巴克 (Qarabağ FK) 嘅歐霸分組賽，而今屆歐霸決賽早已落實於阿塞拜疆首都巴古/巴庫 (Baku) 進行，因此當阿仙奴進入歐霸較後階段時，已產生關於米希達恩可否參加決賽嘅疑慮。晉身決賽後，阿仙奴回應傳媒查詢，表示正努力同有關方面安排米希達恩出賽事宜。最終，阿仙奴於5月21日發表官方聲明，指球會已盡力安排米希達恩隨隊出征，但喺同米希達恩及其家人討論後，同意將佢留喺倫敦。
阿塞拜疆與阿美尼亞關係極度緊張，有報導指阿塞拜疆甚至會拒絕向所有疑似擁有阿美尼亞姓氏嘅人士發出入境簽證。不過事實上，歐洲足協 (UEFA) 早前表明會協助米希達恩辦理特別簽證，而阿塞拜疆駐英國大使 Tahir Taghizadeh 接受英國傳媒訪問時亦表示歡迎米希達恩入境參加歐霸決賽。所以，至少於官方版本，米希達恩進入境阿塞拜疆參加歐霸決賽，喺理論上係可行。米希達恩缺席決賽，係基於對個人甚至球隊安全嘅考慮，艾馬利後來回應表示尊重米希達恩嘅決定。
另外，最近有報導指阿仙奴有意製作特別熱身T-shirt於歐霸決賽當日向米希達恩致敬，但遭到UEFA方面禁止。
為何卡拉巴克不在卡拉巴赫
上圖正係阿塞拜疆 — 阿美尼亞衝突嘅地圖，而中間一塊以啡色顯示嘅土地就係雙方各自宣稱擁有主權嘅納戈爾諾—卡拉巴赫(Nagorno-Karabakh) 地區 (簡稱納卡地區)。
阿塞拜疆球會卡拉巴克 (Qarabağ FK) 嘅名字，正係同納卡地區有關。納卡地區屬於廣義嘅卡拉巴赫 (Karabakh，Qarabağ為阿塞拜疆語) 地區之內，呢間球會原本的確位於納卡地區邊陲嘅阿格達姆 (Agdam) ，但該地現已因為戰爭而荒廢，成為「鬼城」，而球會嘅前身亦於1990年代初為逃避戰火而搬遷到阿塞拜疆首都巴古，佢哋嘅前主帥 Allahverdi Bagirov 於阿格達姆志願成立阿塞拜疆人軍隊，對抗阿美尼亞統一勢力，及後喺坐車時被地雷炸死。
不過，衝突嘅源頭要由20世紀之初講起。首先，阿美尼亞人主要信奉基督教，而阿塞拜疆人就主要信奉伊斯蘭教，兩地曾經受到土耳其鄂圖曼帝國及俄羅斯帝國多番爭奪，形成複雜嘅地域認同及人口流動。簡單嚟講，於沙俄被推翻後，阿美尼亞人及阿塞拜疆人乘機獨立建立國家，但同時對中間嘅納卡地區宣稱主權，埋下衝突伏線。
蘇聯成立後，阿美尼亞及阿塞拜疆都加入蘇聯，蘇聯中央於納卡地區成立納卡自治州 (Nagorno-Karabakh Autonomous Oblast, NKAO) 。 當中種種政治考慮略過不談，直接引申到今日局面嘅，係蘇聯結果決定將納卡自治州劃分為阿塞拜疆境內，但事實上納卡自治州人口卻以阿美尼亞人為主。更甚者，蘇聯將阿美尼亞西南方一塊名為納希契凡 (Nakhchivan) 嘅土地都撥歸阿塞拜疆管轄，而納希契凡360度都冇一處與阿塞拜疆接壤，成為「飛地」 (exclave) 。兩個結果，令阿美尼亞人覺得自己受到欺壓。
蘇聯解體，分「贓」唔勻
兩地不睦，喺蘇聯強勢之下暫且被壓住，但隨著蘇聯於1980年代末步向衰亡，阿塞拜疆 — 阿美尼亞衝突亦終於引爆。於1988年，納卡自治州議會決定脫離阿塞拜疆及發起公投，由於境內阿塞拜疆人杯葛投票，該地人口又以阿美尼亞人為主 (約佔76%)，公投自然順利通過。其後，阿美尼亞人及阿塞拜疆人之間已多番發生零星衝突。最終，佢哋喺1991年蘇聯解體後，成立阿爾扎赫共和國 (Republic of Artsakh) ，又稱為納卡共和國 (Nagorno-Karabakh Republic) ，納卡共和國至今仍然未得到聯合國及其成員國承認。
蘇聯解體後，阿美尼亞及阿塞拜疆於納卡地區開戰，直至1994年5月經俄羅斯調停下暫時停火，納卡地區時至今日仍有多處地區荒廢及有零星流血衝突，爭議不斷。現時，納卡地區於主流國際社會上仍被視為阿塞拜疆所屬，但該處人口仍然以阿美尼亞人為主；而不被承認但實際上「治理」該處嘅納卡共和國，就與阿美尼亞關係密切，甚至「依附」於阿美尼亞。
納卡戰爭爆發後，阿美尼亞人軍隊佔據納卡地區邊緣以外部分鄰近地區，居於阿美尼亞人控制地區內嘅阿塞拜疆人感到被阿美尼亞逼害，而阿塞拜疆人亦認為阿美尼亞人係入侵者，對阿美尼亞人恨之入骨。同時另一方面，當年成為「飛地」嘅納希契凡，現時以納希契凡自治共和國 (Nakhchivan Autonomous Republic) 嘅名義，繼續受阿塞拜疆隔空管轄，阿美尼亞人亦覺得自己領土被侵占，居於納希契凡嘅阿美尼亞人口由1917年嘅40%跌至2009年嘅0.0015% (其實只有6人)，加上土耳其喺第一次世界大戰期間對阿美尼亞人作出種族清洗屠殺超過百萬人，阿塞拜疆同土耳其關係密切，阿塞拜疆前總統 Heydar Aliyev 曾以「一個民族，兩個國家」 ("one nation with two states") 形容與土耳其關係，阿美尼亞人亦仇視阿塞拜疆人。
作為外人，我哋難以從資料判斷誰是誰非，兩國勢成水火，喺戰爭中互相殺戮及侮辱，已成事實。最終戰火改變該區無數人嘅生命，米希達恩事件只係當中小事中嘅小事，但可以見到米希達恩唔願意前往阿塞拜疆嘅理由，正係源於兩國之間嘅血海深仇。最後，筆者並非相關問題嘅專家，以上內容只係盡力理解多個相關維基百科條目後嘅極度簡化版，只係一篇「維基文」，希望too long didn't read而有興趣了解相關問題嘅球迷，可以睇到冇咁too long嘅濃縮版 (雖然仍然係too long)，如有錯漏歡迎大家補充及指正。
Source:
Wikipedia
Nagorno-Karabakh conflict
Nagorno-Karabakh
Republic of Artsakh
Nakhchivan Autonomous Republic
Azerbaijan–Turkey relations
Qarabağ FK
Armenia
Azerbaijan
事情最新發展
由於米希達恩早前曾經因政治原因缺席作客對阿塞拜疆球隊卡拉巴克 (Qarabağ FK) 嘅歐霸分組賽，而今屆歐霸決賽早已落實於阿塞拜疆首都巴古/巴庫 (Baku) 進行，因此當阿仙奴進入歐霸較後階段時，已產生關於米希達恩可否參加決賽嘅疑慮。晉身決賽後，阿仙奴回應傳媒查詢，表示正努力同有關方面安排米希達恩出賽事宜。最終，阿仙奴於5月21日發表官方聲明，指球會已盡力安排米希達恩隨隊出征，但喺同米希達恩及其家人討論後，同意將佢留喺倫敦。
阿塞拜疆與阿美尼亞關係極度緊張，有報導指阿塞拜疆甚至會拒絕向所有疑似擁有阿美尼亞姓氏嘅人士發出入境簽證。不過事實上，歐洲足協 (UEFA) 早前表明會協助米希達恩辦理特別簽證，而阿塞拜疆駐英國大使 Tahir Taghizadeh 接受英國傳媒訪問時亦表示歡迎米希達恩入境參加歐霸決賽。所以，至少於官方版本，米希達恩進入境阿塞拜疆參加歐霸決賽，喺理論上係可行。米希達恩缺席決賽，係基於對個人甚至球隊安全嘅考慮，艾馬利後來回應表示尊重米希達恩嘅決定。
另外，最近有報導指阿仙奴有意製作特別熱身T-shirt於歐霸決賽當日向米希達恩致敬，但遭到UEFA方面禁止。
為何卡拉巴克不在卡拉巴赫
上圖正係阿塞拜疆 — 阿美尼亞衝突嘅地圖，而中間一塊以啡色顯示嘅土地就係雙方各自宣稱擁有主權嘅納戈爾諾—卡拉巴赫(Nagorno-Karabakh) 地區 (簡稱納卡地區)。
阿塞拜疆球會卡拉巴克 (Qarabağ FK) 嘅名字，正係同納卡地區有關。納卡地區屬於廣義嘅卡拉巴赫 (Karabakh，Qarabağ為阿塞拜疆語) 地區之內，呢間球會原本的確位於納卡地區邊陲嘅阿格達姆 (Agdam) ，但該地現已因為戰爭而荒廢，成為「鬼城」，而球會嘅前身亦於1990年代初為逃避戰火而搬遷到阿塞拜疆首都巴古，佢哋嘅前主帥 Allahverdi Bagirov 於阿格達姆志願成立阿塞拜疆人軍隊，對抗阿美尼亞統一勢力，及後喺坐車時被地雷炸死。
不過，衝突嘅源頭要由20世紀之初講起。首先，阿美尼亞人主要信奉基督教，而阿塞拜疆人就主要信奉伊斯蘭教，兩地曾經受到土耳其鄂圖曼帝國及俄羅斯帝國多番爭奪，形成複雜嘅地域認同及人口流動。簡單嚟講，於沙俄被推翻後，阿美尼亞人及阿塞拜疆人乘機獨立建立國家，但同時對中間嘅納卡地區宣稱主權，埋下衝突伏線。
蘇聯成立後，阿美尼亞及阿塞拜疆都加入蘇聯，蘇聯中央於納卡地區成立納卡自治州 (Nagorno-Karabakh Autonomous Oblast, NKAO) 。 當中種種政治考慮略過不談，直接引申到今日局面嘅，係蘇聯結果決定將納卡自治州劃分為阿塞拜疆境內，但事實上納卡自治州人口卻以阿美尼亞人為主。更甚者，蘇聯將阿美尼亞西南方一塊名為納希契凡 (Nakhchivan) 嘅土地都撥歸阿塞拜疆管轄，而納希契凡360度都冇一處與阿塞拜疆接壤，成為「飛地」 (exclave) 。兩個結果，令阿美尼亞人覺得自己受到欺壓。
蘇聯解體，分「贓」唔勻
兩地不睦，喺蘇聯強勢之下暫且被壓住，但隨著蘇聯於1980年代末步向衰亡，阿塞拜疆 — 阿美尼亞衝突亦終於引爆。於1988年，納卡自治州議會決定脫離阿塞拜疆及發起公投，由於境內阿塞拜疆人杯葛投票，該地人口又以阿美尼亞人為主 (約佔76%)，公投自然順利通過。其後，阿美尼亞人及阿塞拜疆人之間已多番發生零星衝突。最終，佢哋喺1991年蘇聯解體後，成立阿爾扎赫共和國 (Republic of Artsakh) ，又稱為納卡共和國 (Nagorno-Karabakh Republic) ，納卡共和國至今仍然未得到聯合國及其成員國承認。
蘇聯解體後，阿美尼亞及阿塞拜疆於納卡地區開戰，直至1994年5月經俄羅斯調停下暫時停火，納卡地區時至今日仍有多處地區荒廢及有零星流血衝突，爭議不斷。現時，納卡地區於主流國際社會上仍被視為阿塞拜疆所屬，但該處人口仍然以阿美尼亞人為主；而不被承認但實際上「治理」該處嘅納卡共和國，就與阿美尼亞關係密切，甚至「依附」於阿美尼亞。
納卡戰爭爆發後，阿美尼亞人軍隊佔據納卡地區邊緣以外部分鄰近地區，居於阿美尼亞人控制地區內嘅阿塞拜疆人感到被阿美尼亞逼害，而阿塞拜疆人亦認為阿美尼亞人係入侵者，對阿美尼亞人恨之入骨。同時另一方面，當年成為「飛地」嘅納希契凡，現時以納希契凡自治共和國 (Nakhchivan Autonomous Republic) 嘅名義，繼續受阿塞拜疆隔空管轄，阿美尼亞人亦覺得自己領土被侵占，居於納希契凡嘅阿美尼亞人口由1917年嘅40%跌至2009年嘅0.0015% (其實只有6人)，加上土耳其喺第一次世界大戰期間對阿美尼亞人作出種族清洗屠殺超過百萬人，阿塞拜疆同土耳其關係密切，阿塞拜疆前總統 Heydar Aliyev 曾以「一個民族，兩個國家」 ("one nation with two states") 形容與土耳其關係，阿美尼亞人亦仇視阿塞拜疆人。
作為外人，我哋難以從資料判斷誰是誰非，兩國勢成水火，喺戰爭中互相殺戮及侮辱，已成事實。最終戰火改變該區無數人嘅生命，米希達恩事件只係當中小事中嘅小事，但可以見到米希達恩唔願意前往阿塞拜疆嘅理由，正係源於兩國之間嘅血海深仇。最後，筆者並非相關問題嘅專家，以上內容只係盡力理解多個相關維基百科條目後嘅極度簡化版，只係一篇「維基文」，希望too long didn't read而有興趣了解相關問題嘅球迷，可以睇到冇咁too long嘅濃縮版 (雖然仍然係too long)，如有錯漏歡迎大家補充及指正。
Source:
Wikipedia
Nagorno-Karabakh conflict
Nagorno-Karabakh
Republic of Artsakh
Nakhchivan Autonomous Republic
Azerbaijan–Turkey relations
Qarabağ FK
Armenia
Azerbaijan
請按此登錄後留言。未成為會員? 立即註冊