近年都見過一啲足球員突然出現心臟問題，例如前皇家馬德里門將卡斯拿斯去年喺波圖訓練時就心臟病發，好彩手術後平安無事，之後佢已經冇再參加比賽，最近仲決定參選西班牙足協主席，正式結束職業球員生涯。體魄強健嘅職業足球員同樣會突然發現有心臟問題，更反映生命無常，今日唔知聽日事。2017年，一位阿積士新星於比賽中突然暈倒，雖然不幸中之大幸係佢嘅生命已無危險，但佢嘅命運亦足以令人嘆息。
2017年7月，阿積士與雲達不萊梅進行季前熱身賽，當時年僅19歲嘅阿積士新星諾里 (Abdelhak Nouri) 於比賽尾段突然倒下，即時由直升機送往醫院搶救。報導指，當時諾里因為心律不止而昏迷，球會後來發聲明公布，諾里大腦缺氧，導致腦部出現永久損傷。結果，諾里一直維持昏迷狀態，基本上已與植物人無異。
諾里於昏迷之前並非一名普通年輕小將，佢自小於阿積士青訓體系受訓，前一季已為阿積士一隊於盃賽上演地標戰並射入一球，同時贏得預備組聯賽年度最佳球員 (2016-17) ，昏迷之時正係佢正式提升往一隊，準備大放異彩嘅一季，佢之前已為荷蘭U19國家隊上陣19次射入9球。及後一段影片中，唔少同輩球員都大讚諾里潛質相當優厚，傳球十分有創造力。
34號球衣的意義
B/R Football影片:
https://www.youtube.com/watch?v=gEKQB8SC6lg
原來佢正係祖斯甸古華特加盟羅馬時，選擇34號球衣嘅原因。喺一段圍繞諾里事件嘅訪問影片中，同樣出身於阿積士嘅祖斯甸古華特表示，自己喺羅馬穿起34號球衣，正正係要向諾里致敬，因為呢個係諾里喺阿積士嘅球衣號碼 (祖斯甸古華特今季改穿99號)。
好多足球圈內人士都用唔同嘅方式去表達對諾里嘅支持，例如因為一個青訓交流活動而認識諾里嘅奧斯文尼丹比利，就喺球鞋上印上諾里嘅名字。另一方面，原來諾里嘅34號球衣本身已經係別有意義，因為佢挑選球衣號碼時阿積士擁有33個荷甲冠軍，佢用34號去代表自己希望為母會奪取第34個冠軍。結果，喺2018-19球季，即係佢昏迷之後嘅下一季，阿積士於歐聯成為黑馬，同時重奪荷甲冠軍，達成阿積士嘅心願，而球員同球迷都冇忘記佢，喺奪冠儀式上將冠軍獻俾諾里，相當感人。
根據《BBC》及《Sky Sports》報導，諾里嘅家人近日向荷蘭傳媒透露，諾里已經從昏迷中甦醒，並且回到家中休養，雖然暫時無法說話及行走，但可以用面部表情同家人溝通。佢嘅兄弟同爸爸表示：「Appie (諾里暱稱) 情況好好，點為之好？佢已經清醒、食得、瞓得、會打嗝，但就未可以離開將床。
狀態好嘅時候佢可以同我哋溝通，透過郁動眼眉，不過就唔可以維持太耐。佢知道自己喺邊度，喺一個熟悉嘅環境同家人一齊對佢係好事。我哋會同佢講嘢，同佢睇波，佢好鍾意。有時佢會好激動，但多數時候都係帶住笑容。
當然我哋相信奇蹟，呢個係一個艱難嘅考驗，但我哋會做到最好。相信佢情況會越嚟越好，我哋只能夠做到最好去照顧佢。」
與諾里同年出生嘅前阿積士中場法蘭基迪莊，自然同諾里感情深厚，佢仍然不時探望諾里。法蘭基迪莊稱今季選擇加盟巴塞隆拿前，諾里曾經對呢個消息有所反應，法蘭基迪莊話：「當時我坐喺佢旁邊，佢媽媽後來入嚟，同佢講『Appie，法蘭基去邊好呀？巴塞好唔好？』佢眼眉即時向上一揚，真係好特別嘅時刻。」
幾稱英文報導都冇提及諾里甦醒嘅確實時候，但佢喺去年暑假已經可以對法蘭基迪莊嘅轉會作出反應，佢嘅兄弟亦表示有同佢睇波，所以可能已經甦醒咗一段日子，《Sky Sports》就指佢昏迷將近2年，但現時距離2017年7月已接近3年。由此可以推斷佢大約喺2019年暑假甦醒，而唔係近日嘅事，所以本文標題跟隨《Sky Sports》使用2年為題。現時歐洲疫情肆虐，希望諾里及家人好好保重身體，諾里情況日漸好轉。
Source: BBC、SkySports、Talksport
2017年7月，阿積士與雲達不萊梅進行季前熱身賽，當時年僅19歲嘅阿積士新星諾里 (Abdelhak Nouri) 於比賽尾段突然倒下，即時由直升機送往醫院搶救。報導指，當時諾里因為心律不止而昏迷，球會後來發聲明公布，諾里大腦缺氧，導致腦部出現永久損傷。結果，諾里一直維持昏迷狀態，基本上已與植物人無異。
諾里於昏迷之前並非一名普通年輕小將，佢自小於阿積士青訓體系受訓，前一季已為阿積士一隊於盃賽上演地標戰並射入一球，同時贏得預備組聯賽年度最佳球員 (2016-17) ，昏迷之時正係佢正式提升往一隊，準備大放異彩嘅一季，佢之前已為荷蘭U19國家隊上陣19次射入9球。及後一段影片中，唔少同輩球員都大讚諾里潛質相當優厚，傳球十分有創造力。
34號球衣的意義
B/R Football影片:
https://www.youtube.com/watch?v=gEKQB8SC6lg
原來佢正係祖斯甸古華特加盟羅馬時，選擇34號球衣嘅原因。喺一段圍繞諾里事件嘅訪問影片中，同樣出身於阿積士嘅祖斯甸古華特表示，自己喺羅馬穿起34號球衣，正正係要向諾里致敬，因為呢個係諾里喺阿積士嘅球衣號碼 (祖斯甸古華特今季改穿99號)。
好多足球圈內人士都用唔同嘅方式去表達對諾里嘅支持，例如因為一個青訓交流活動而認識諾里嘅奧斯文尼丹比利，就喺球鞋上印上諾里嘅名字。另一方面，原來諾里嘅34號球衣本身已經係別有意義，因為佢挑選球衣號碼時阿積士擁有33個荷甲冠軍，佢用34號去代表自己希望為母會奪取第34個冠軍。結果，喺2018-19球季，即係佢昏迷之後嘅下一季，阿積士於歐聯成為黑馬，同時重奪荷甲冠軍，達成阿積士嘅心願，而球員同球迷都冇忘記佢，喺奪冠儀式上將冠軍獻俾諾里，相當感人。
根據《BBC》及《Sky Sports》報導，諾里嘅家人近日向荷蘭傳媒透露，諾里已經從昏迷中甦醒，並且回到家中休養，雖然暫時無法說話及行走，但可以用面部表情同家人溝通。佢嘅兄弟同爸爸表示：「Appie (諾里暱稱) 情況好好，點為之好？佢已經清醒、食得、瞓得、會打嗝，但就未可以離開將床。
狀態好嘅時候佢可以同我哋溝通，透過郁動眼眉，不過就唔可以維持太耐。佢知道自己喺邊度，喺一個熟悉嘅環境同家人一齊對佢係好事。我哋會同佢講嘢，同佢睇波，佢好鍾意。有時佢會好激動，但多數時候都係帶住笑容。
當然我哋相信奇蹟，呢個係一個艱難嘅考驗，但我哋會做到最好。相信佢情況會越嚟越好，我哋只能夠做到最好去照顧佢。」
與諾里同年出生嘅前阿積士中場法蘭基迪莊，自然同諾里感情深厚，佢仍然不時探望諾里。法蘭基迪莊稱今季選擇加盟巴塞隆拿前，諾里曾經對呢個消息有所反應，法蘭基迪莊話：「當時我坐喺佢旁邊，佢媽媽後來入嚟，同佢講『Appie，法蘭基去邊好呀？巴塞好唔好？』佢眼眉即時向上一揚，真係好特別嘅時刻。」
幾稱英文報導都冇提及諾里甦醒嘅確實時候，但佢喺去年暑假已經可以對法蘭基迪莊嘅轉會作出反應，佢嘅兄弟亦表示有同佢睇波，所以可能已經甦醒咗一段日子，《Sky Sports》就指佢昏迷將近2年，但現時距離2017年7月已接近3年。由此可以推斷佢大約喺2019年暑假甦醒，而唔係近日嘅事，所以本文標題跟隨《Sky Sports》使用2年為題。現時歐洲疫情肆虐，希望諾里及家人好好保重身體，諾里情況日漸好轉。
Source: BBC、SkySports、Talksport
請按此登錄後留言。未成為會員? 立即註冊