白蘭特比賽感不適,須植入心臟起搏器

睇足365 於 22/12/2019 發表 收藏文章
上星期,荷蘭國家隊前線關鍵人物迪比 (Memphis Depay) 於法甲比賽中重傷,證實膝部韌帶斷裂,整個賽季報銷,未知可否趕及夏天進行嘅歐洲國家盃決賽周復出。荷蘭國家隊傳來第二個壞消息,就係中堅白蘭特 (Daley Blind) 被確診出現心臟問題,需要進行手術。


前曼聯中堅、現效力阿積士嘅白蘭特於12月10日出戰歐聯分組賽,阿積士對華倫西亞,據報佢喺比賽中感到暈眩,但仍踢足90分鐘。阿積士最終以0-1不敵華倫西亞,跌落歐霸,更接到壞消息。白蘭特賽後向球隊報告身體不適後,進行一連串身體檢查,發現佢心臟出現問題。



阿積士發表聲明:「白蘭特被確診患上心肌炎 (heart muscle inflammation)。該名中堅於阿積士對華倫西亞期間感到暈眩,經過幾日徹底檢查後發現問題。

醫生決定為白蘭特安裝皮下植入式心律去顫器 (subcutaneous ICD) 。」

12月21日,白蘭特於個人Twitter上報平安,指已經完成手術:「球會已經公布咗我嘅最新情況,最重要嘅係我而家一切安好。我會嘗試盡快重返球場,多謝大家支持,好快會再同大家見面。



根據維基百科資料,心肌炎症狀可表現為「呼吸困難、胸口疼痛、運動能力降低、心律不整等」,併發症包括「心搏停止或擴張型心肌病引發的心臟衰竭」。所有同心臟有關嘅疾病都可大可小,特別係對時常進行激烈運動嘅職業運動員,真係要小心為上。

29歲嘅白蘭特重返阿積士後,成為球隊後防重心,正值當打之年,於心臟附近植入起搏器,相信定會對職業生涯帶嚟影響,球隊及佢自己冇詳細透露病情嚴重程度,只表示佢肯定缺席球隊一月嘅冬訓營,不過白蘭特似乎對復出感到樂觀,祝願佢早日康復!

Source: Sky Sports

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→