前阿仙奴領隊雲加離開執教長達22年嘅球會後，佢嘅去向一直係球迷熱話，由皇家馬德里、巴黎聖日耳門、拜仁慕尼黑、日本國家隊，以至富咸、泰國國家隊、中超球會等傳聞層出不窮，彷彿佢已經成為球壇萬能Key。事實上，雲加除咗喺電視台客串講波之外，已經休息大半年，佢身邊好友、舊將，都透露佢即將復出，雲加本人就曾經回應，表示自己雖然好掛住執教嘅生活，但完全唔著急，會好好考慮各種可能。
英國《泰晤士報》The Times近日發表文章，認為雲加正考慮手頭上4份工作邀請，分別係巴黎聖日耳門足球總監、兩個歐洲大球會主帥職位，以及一個國家隊主帥位置，報導為雲加最近喺卡塔爾資金設立嘅新興體育電視台《beiN Sports》上多次登場，期間同卡塔爾有關人士建立咗密切關係，令佢獲得同樣由卡塔爾資金支持嘅PSG邀請，希望佢取代現任足球總監軒歷基 (Antero Henrique) 。
西班牙《馬卡報》報導指，PSG主帥杜曹喺一月轉會窗中對於現任足球總監軒歷基嘅工作感到不滿，認為後者未有努力滿足佢對於球會引援上嘅要求，導致 PSG 生出換人念頭，希望以雲加取代軒歷基，處理球會轉會工作。
喺PSG退居幕後似乎係普遍球迷認為最適合雲加嘅工作，畢竟佢已經年屆69歲高齡，近年多次被批評戰術上未能跟上時代進步，但佢經營球會能力仍獲得公認為世界頂級。不過，雲加剛離開阿仙奴時曾經表示，對自己嚟講最重要嘅係同球員朝夕相處，以及比賽頻密令佢不斷面對挑戰，所以佢多次拒絕國家隊執教邀請，原因係無法忍受國家隊相對空閒嘅日程。擔任球會高層，同樣意味著雲加會抽離於球隊最根本嘅日常活動 (操練、比賽) ，雲加休息大半年適應半退休生活後，會唔會重新考慮呢？
Source: Times、Marca、Express、DailyMail
英國《泰晤士報》The Times近日發表文章，認為雲加正考慮手頭上4份工作邀請，分別係巴黎聖日耳門足球總監、兩個歐洲大球會主帥職位，以及一個國家隊主帥位置，報導為雲加最近喺卡塔爾資金設立嘅新興體育電視台《beiN Sports》上多次登場，期間同卡塔爾有關人士建立咗密切關係，令佢獲得同樣由卡塔爾資金支持嘅PSG邀請，希望佢取代現任足球總監軒歷基 (Antero Henrique) 。
西班牙《馬卡報》報導指，PSG主帥杜曹喺一月轉會窗中對於現任足球總監軒歷基嘅工作感到不滿，認為後者未有努力滿足佢對於球會引援上嘅要求，導致 PSG 生出換人念頭，希望以雲加取代軒歷基，處理球會轉會工作。
喺PSG退居幕後似乎係普遍球迷認為最適合雲加嘅工作，畢竟佢已經年屆69歲高齡，近年多次被批評戰術上未能跟上時代進步，但佢經營球會能力仍獲得公認為世界頂級。不過，雲加剛離開阿仙奴時曾經表示，對自己嚟講最重要嘅係同球員朝夕相處，以及比賽頻密令佢不斷面對挑戰，所以佢多次拒絕國家隊執教邀請，原因係無法忍受國家隊相對空閒嘅日程。擔任球會高層，同樣意味著雲加會抽離於球隊最根本嘅日常活動 (操練、比賽) ，雲加休息大半年適應半退休生活後，會唔會重新考慮呢？
Source: Times、Marca、Express、DailyMail
請按此登錄後留言。未成為會員? 立即註冊