最近多間英國傳媒報導，指出沙特阿拉伯王子 Mohammad bin Salman 有意收購一間英超球會，該球會名稱中帶有 "United" 字眼，令人聯想起佢嘅目標係曼聯。不過，以上消息起初只係經由《The Sun》及《Daily Mail》等公信力不足嘅報章傳出，最近《Sky Sports》作出跟進報導，認為雖然沙特王子可能有意收購，但曼聯唔會以現傳價格易手。
牽涉其中嘅沙特阿拉伯王子 Mohammad bin Salman ，其實係沙特嘅 Crown Prince ，即指定王儲。由於沙特國王兼首相 Salman bin Abdulaziz Al Saud 健康狀況欠佳，盛傳佢曾中風及現患阿茲海默症 (俗稱老年痴呆症) ，所以一般分析相信年僅33歲但身兼王儲、第一副首相及國防大臣嘅 Mohammad bin Salman 實際上已經係沙特執政者，佢家族嘅資產估計價值 8,500億英鎊，買起一間英超球會可謂舉手之勞。
英超豪門曼城由阿聯酋成員、阿布達扎比酋長國 (Emirate of Abu Dhabi) 皇室間接創立及持有嘅城市足球集團 (City Football Group) 擁有 (城市足球集團87%股份由阿布扎比聯合財團擁有)，法甲豪門巴黎聖日耳門就由卡塔爾體育投資集團 (Oryx Qatar Sports Investment Group) 及其背後卡塔爾主權基金控制。或者參考咗以上例子，早前《Daily Mail》等傳媒報稱，沙特儲君亦有意投資足球事業，以30億英鎊收購英超球會，而佢嘅目標正係曼城嘅鄰居兼死敵曼聯，剛好阿聯酋正正係沙特嘅鄰國。
當然，《Daily Mail》報導可信性成疑，公信力較高嘅《Sky Sports》就嘗試查證消息，認為有跡象顯示沙特可能對曼聯有興趣，例如曼聯2008年已經成為沙地電訊 Saudi Telecom 官方合作伙伴；今年又同該國政府簽署一份12個月嘅計劃協助當地足球發展 (早前曼聯更曾邀請沙特國腳 Mohammad Al-Sahlawi 試腳)；事有湊巧，曼聯老闆格拉沙 (Avram Glazer) 下星期將會飛往沙特參加商貿會議。不過，《Sky Sports》報導又指出，曼聯現階段唔會被放售，而格拉沙家族只會接受40億英鎊或以上報價，傳聞中嘅30億英鎊出價唔會被考慮。
另一方面，著名體育記者 Mootaz Chehade 指出，傳聞中嘅 "United" 並非指曼聯，認為沙特收購曼聯嘅傳聞不實，反而得到消息，相信有沙特財團準備收購另一隊 "United" —— Newcastle United 紐卡素，同時意甲球隊熱那亞亦係目標之一。
事實上，沙特收購紐卡素嘅消息可信得多。眾所周知，紐卡素班主艾殊利 (Mike Ashley) 一直係球迷間「不受歡迎人物」，而佢亦多次作出賣盤舉動，上季中賣盤不成更加令球迷十分失望，現時繼續聯絡潛在買家，十分合理。
補充一點，英超 "United" 並非只得曼聯 (Manchester United) 及紐卡素 (Newcastle United) ，仲有韋斯咸 (West Ham United) ，放心，你冇被遺忘，不過現有報導就冇提起喇。
另外，沙特阿拉伯籍異見記者 Jamal Khashoggi 被拍到10月2日走入沙特駐土耳其領事館後失蹤至今，懷疑已經被特工殺害，王儲 Mohammad bin Salman 被指控為幕後主謀。 (詳見《BBC》報導)
Source: Sky Sports、Daily Mail、Now
牽涉其中嘅沙特阿拉伯王子 Mohammad bin Salman ，其實係沙特嘅 Crown Prince ，即指定王儲。由於沙特國王兼首相 Salman bin Abdulaziz Al Saud 健康狀況欠佳，盛傳佢曾中風及現患阿茲海默症 (俗稱老年痴呆症) ，所以一般分析相信年僅33歲但身兼王儲、第一副首相及國防大臣嘅 Mohammad bin Salman 實際上已經係沙特執政者，佢家族嘅資產估計價值 8,500億英鎊，買起一間英超球會可謂舉手之勞。
英超豪門曼城由阿聯酋成員、阿布達扎比酋長國 (Emirate of Abu Dhabi) 皇室間接創立及持有嘅城市足球集團 (City Football Group) 擁有 (城市足球集團87%股份由阿布扎比聯合財團擁有)，法甲豪門巴黎聖日耳門就由卡塔爾體育投資集團 (Oryx Qatar Sports Investment Group) 及其背後卡塔爾主權基金控制。或者參考咗以上例子，早前《Daily Mail》等傳媒報稱，沙特儲君亦有意投資足球事業，以30億英鎊收購英超球會，而佢嘅目標正係曼城嘅鄰居兼死敵曼聯，剛好阿聯酋正正係沙特嘅鄰國。
當然，《Daily Mail》報導可信性成疑，公信力較高嘅《Sky Sports》就嘗試查證消息，認為有跡象顯示沙特可能對曼聯有興趣，例如曼聯2008年已經成為沙地電訊 Saudi Telecom 官方合作伙伴；今年又同該國政府簽署一份12個月嘅計劃協助當地足球發展 (早前曼聯更曾邀請沙特國腳 Mohammad Al-Sahlawi 試腳)；事有湊巧，曼聯老闆格拉沙 (Avram Glazer) 下星期將會飛往沙特參加商貿會議。不過，《Sky Sports》報導又指出，曼聯現階段唔會被放售，而格拉沙家族只會接受40億英鎊或以上報價，傳聞中嘅30億英鎊出價唔會被考慮。
另一方面，著名體育記者 Mootaz Chehade 指出，傳聞中嘅 "United" 並非指曼聯，認為沙特收購曼聯嘅傳聞不實，反而得到消息，相信有沙特財團準備收購另一隊 "United" —— Newcastle United 紐卡素，同時意甲球隊熱那亞亦係目標之一。
事實上，沙特收購紐卡素嘅消息可信得多。眾所周知，紐卡素班主艾殊利 (Mike Ashley) 一直係球迷間「不受歡迎人物」，而佢亦多次作出賣盤舉動，上季中賣盤不成更加令球迷十分失望，現時繼續聯絡潛在買家，十分合理。
補充一點，英超 "United" 並非只得曼聯 (Manchester United) 及紐卡素 (Newcastle United) ，仲有韋斯咸 (West Ham United) ，放心，你冇被遺忘，不過現有報導就冇提起喇。
另外，沙特阿拉伯籍異見記者 Jamal Khashoggi 被拍到10月2日走入沙特駐土耳其領事館後失蹤至今，懷疑已經被特工殺害，王儲 Mohammad bin Salman 被指控為幕後主謀。 (詳見《BBC》報導)
Source: Sky Sports、Daily Mail、Now
請按此登錄後留言。未成為會員? 立即註冊