前阿仙奴領隊雲加自球季開始後一直成為「球壇萬能key」，事關今季適逢世界各地都有豪門勁旅動盪不穩，皇家馬德里換上盧柏迪古後表現插水，拜仁慕尼黑有尼高高華接手後亦十分反覆，而每次有球隊談及換帥，幾乎都會同雲加扯上關係，甚至英超升班馬富咸亦盛傳曾被雲加拒絕，同雲加有過傳聞嘅球隊包括皇馬、拜仁、PSG、AC米蘭、富咸、日本國家隊、廣州恆大等等！不論眾多傳聞嘅真偽，至少反映咗雲加並冇被球壇忘記，佢嘅去向仍然所到關注。
前阿仙奴中場比堤 (Emmanuel Petit) 絕對係雲加嘅親兵，因為佢1988年加盟摩納哥展開職業生涯，正係由雲加拍板簽下，及後效力至1997年，即雲加入「廠」後一年，就馬上被帶到阿仙奴。佢最近接受訪問，表示自己近日曾經同恩師見面，又透露對於雲加去向嘅睇法。
「三個星期之前，我同雲加喺杜拜見面，當時有我、我朋友同佢一齊。
喺法國傳得最熱就係佢將會做拜仁慕尼黑主帥。
有人話佢會去皇家馬德里，我唔相信。有人話佢會去PSG做體育總監，但嗰度已經有啲大名鼎鼎嘅人喺度，你可以想像佢哋再搵埋雲加過去嗎？我就唔信喇。
我認為雲加仍然對於球場上嘅事充滿熱誠，鍾意同球員一齊工作，呢樣嘢對佢好重要。我唔認為佢會做管理層工作。佢係有咁嘅能力，佢擁有所需要嘅知識同智慧，但佢更加有球場上嘅經驗。」
留意比堤提出咗三個傳聞，分別係拜仁、皇馬同PSG，但否定咗皇馬同PSG，只有拜仁嘅傳聞冇評論落去，莫非佢暗示雲加將會去拜仁？定係呢個只係比堤自己嘅諗法呢？根據雲加早前所講，佢喺2019年1月就會復出，到時就自有分曉。
比堤仲認為雲加雖然已經68歲，但今次離開阿仙奴嘅經歷，仍然可以令佢進步：「呢件事發生得太遲 (指被逼離開) ，但我覺得對佢係好事。而家佢冇咗一份安定嘅感覺，必須退後一步。佢需要反思『係咪爭啲咩呢？我係咪所有嘢都做得好呢？』就好似一個球員比賽之後咁樣。我好了解雲加，知道佢都曾經咁樣做。
我肯定佢知道問題喺邊度。就算佢已經接近70歲，呢樣嘢仍然可以幫到佢進步。阿仙奴需要一啲改變，雲加都明白，經過20年留喺同一間球會而且一啲令人失望嘅年頭，雲加明白呢樣嘢。」
的確，長年面對一樣嘅環境一樣嘅工作，有可能令人失去銳利感，正如哥迪奧拿離開拜仁之後都需要靜養一段時間，再次改良自己嘅戰術理念，雲加最近獲得英格蘭聯賽領隊協會頒發服務獎，佢講笑話：「自從我唔再比賽之後，每個星期都贏到一個獎盃。真係太蠢喇，點解我唔可以早啲明白呢？」睇嚟22年嚟第一個長假期，令雲加鬆一口氣。
Source: Goal、BBC
前阿仙奴中場比堤 (Emmanuel Petit) 絕對係雲加嘅親兵，因為佢1988年加盟摩納哥展開職業生涯，正係由雲加拍板簽下，及後效力至1997年，即雲加入「廠」後一年，就馬上被帶到阿仙奴。佢最近接受訪問，表示自己近日曾經同恩師見面，又透露對於雲加去向嘅睇法。
「三個星期之前，我同雲加喺杜拜見面，當時有我、我朋友同佢一齊。
喺法國傳得最熱就係佢將會做拜仁慕尼黑主帥。
有人話佢會去皇家馬德里，我唔相信。有人話佢會去PSG做體育總監，但嗰度已經有啲大名鼎鼎嘅人喺度，你可以想像佢哋再搵埋雲加過去嗎？我就唔信喇。
我認為雲加仍然對於球場上嘅事充滿熱誠，鍾意同球員一齊工作，呢樣嘢對佢好重要。我唔認為佢會做管理層工作。佢係有咁嘅能力，佢擁有所需要嘅知識同智慧，但佢更加有球場上嘅經驗。」
引用“I had a conversation three weeks ago when I was in Dubai. He was with a friend of mine.
“There are big rumours in France about him taking over as Bayern Munich manager.
“Some of them said he is going to go to Madrid, I don't believe in it. Some of them said there is big things at Paris Saint-Germain as a sporting director.
“You've got big names there. Can you imagine if you put Arsene Wenger there? I don't believe in it.
“I still believe Arsene is passionate about the field, working with the players. This is something really important for him.
“It's vital, so I don't see him working in the offices. He could, he has the knowledge and the intelligence to do that. He still has experience to give on the pitch.”
留意比堤提出咗三個傳聞，分別係拜仁、皇馬同PSG，但否定咗皇馬同PSG，只有拜仁嘅傳聞冇評論落去，莫非佢暗示雲加將會去拜仁？定係呢個只係比堤自己嘅諗法呢？根據雲加早前所講，佢喺2019年1月就會復出，到時就自有分曉。
比堤仲認為雲加雖然已經68歲，但今次離開阿仙奴嘅經歷，仍然可以令佢進步：「呢件事發生得太遲 (指被逼離開) ，但我覺得對佢係好事。而家佢冇咗一份安定嘅感覺，必須退後一步。佢需要反思『係咪爭啲咩呢？我係咪所有嘢都做得好呢？』就好似一個球員比賽之後咁樣。我好了解雲加，知道佢都曾經咁樣做。
我肯定佢知道問題喺邊度。就算佢已經接近70歲，呢樣嘢仍然可以幫到佢進步。阿仙奴需要一啲改變，雲加都明白，經過20年留喺同一間球會而且一啲令人失望嘅年頭，雲加明白呢樣嘢。」
的確，長年面對一樣嘅環境一樣嘅工作，有可能令人失去銳利感，正如哥迪奧拿離開拜仁之後都需要靜養一段時間，再次改良自己嘅戰術理念，雲加最近獲得英格蘭聯賽領隊協會頒發服務獎，佢講笑話：「自從我唔再比賽之後，每個星期都贏到一個獎盃。真係太蠢喇，點解我唔可以早啲明白呢？」睇嚟22年嚟第一個長假期，令雲加鬆一口氣。
Source: Goal、BBC
請按此登錄後留言。未成為會員? 立即註冊