歐國盃外圍賽完成 檔次、抽籤、附加賽形勢全面睇

睇足365 於 20/11/2019 發表 收藏文章
歐洲國家盃2020外圍賽已經全部完成。最後一日賽事之中,只有E組屬於「生死之戰」,由威爾斯、匈牙利及斯洛伐克三隊爭奪最後一個外圍賽直接晉級席位,最終威爾斯主場以2-0擊敗匈牙利,成功取得最後一席。除20個直接晉級席位外,歐國盃2020尚餘4個循附加賽晉級名額。


外圍賽小組首次名

A︰英格蘭、捷克
B︰烏克蘭、葡萄牙
C︰德國、荷蘭
D︰瑞士、丹麥
E︰克羅地亞、威爾斯
F︰西班牙、瑞典
G︰波蘭、奧地利
H︰法國、土耳其
I︰比利時、俄羅斯
J︰意大利、芬蘭

20支小組首次名晉級球隊中,烏克蘭力壓葡萄牙取得首名,以及芬蘭歷史上首次晉身大賽決賽周,亦係今舍外圍賽嘅驚喜。

歐國聯 -> 歐國外附加賽

不過,未能直接晉級嘅球隊仍有「復活」機會,根據上年進行嘅歐洲國家聯賽排名,A-D聯賽4支小組首名各自進行附加賽,如球隊已於歐國外直接出線,則根據規則按歐國聯名次向下遞補。因此,歐國外最終小組排第3名嘅球隊之中,其實只有希臘未有「復活」機會。

(歐國聯名次:綠色已由歐國外直接出線,藍色將參加附加賽)

歐國聯A聯賽中,最終只有冰島未能於歐國外分組賽直接晉級;B聯賽就湊齊4隊進行附加賽,分別係波斯尼亞、北愛爾蘭、斯洛伐克、愛爾蘭,形成外圍賽B路線。

由於根據一系列規則,A-D聯賽都會優先於本聯賽內遞補湊齊4支附加賽球隊,然後先由較低聯賽補上,所以當B聯賽順利湊齊4隊,C聯賽排名有部分球隊就會同A聯賽嘅冰島分到A路線。

C路線優先由C聯賽小組首名組成,即蘇格蘭、挪威、塞爾維亞;D路線就只有格魯吉亞、馬其頓、科索沃、白俄羅斯合資格。

餘下合資格嘅球隊包括C聯賽嘅保加利亞、以色列、匈牙利、羅馬尼亞,佢哋其中3隊將會抽籤分配到A路線,1隊分配到C路線。抽籤將於歐洲中部時間(CET) 11月22日12:00進行。

A路線︰冰島、保加利亞/以色列/匈牙利/羅馬尼亞
B路線︰波斯尼亞、北愛爾蘭、斯洛伐克、愛爾蘭
C路線︰蘇格蘭、挪威、塞爾維亞、保加利亞/以色列/匈牙利/羅馬尼亞
D路線︰格魯吉亞、馬其頓、科索沃、白俄羅斯

(附加賽形勢)

抽籤檔次

根據外圍賽小組排名及成績,歐國盃抽籤分組檔次如下︰
Pot 1︰比利時、意大利、英格蘭、德國、西班牙、烏克蘭
Pot 2︰法國、瑞士、克羅地亞、波蘭、荷蘭、俄羅斯
Pot 3︰葡萄牙、土耳其、丹麥、奧地利、瑞典、捷克
Pot 4︰威爾斯、芬蘭、附加賽A、附加賽B、附加賽C、附加賽D


今屆歐國盃採取多主辦國制度 (12個),每個分組將由兩個國家主辦,因此有份主辦嘅意大利、英格蘭、德國、西班牙、荷蘭、俄羅斯、丹麥、羅馬尼亞、蘇格蘭、愛爾蘭、匈牙利 (亞塞拜彊已出局),除按檔次分配外,亦受到每組最多只可有兩個主辦國嘅限制,而目前只可參加附加賽嘅主辦國亦已列入抽籤分檔考慮。

(歐國盃分組賽主辦國分配)

主辦國、檔次等條件,再加上UEFA已宣布因政治原因不可同組嘅情況 (俄羅斯不同與科索沃或烏克蘭同組、科索沃不可與波斯尼亞或塞爾維亞同組),所以B組已知其中3支球隊係比利時、俄羅斯及丹麥,C組已知有烏克蘭及荷蘭。歐國盃分組抽籤將於歐洲東部時間(EET) 11月30日19:00舉行。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→