朗尼MLS嘅第一次……紅牌 落後三球兇狠飛剷對手入球功臣

睇足365 於 08/04/2019 發表 收藏文章
前曼聯隊長朗尼,離開第二次離開愛華頓後加盟美職聯球隊華盛頓聯 (DC United) ,一直表現非常出色,早前佢完成登陸MLS以嚟第一次帽子戲法,今次又有另一個第一次,可惜係紅牌。


周末一場MLS比賽,華盛頓聯主場對FC洛杉磯,主隊華盛頓聯發揮未如理想,反而被FC洛杉磯嘅前阿仙奴及皇家蘇斯達射手卡路士韋拿 (Carlos Vela) 先開紀錄,FC洛杉磯另一名前鋒迪亞高羅斯 (Diego Rossi) 更喺完半場前連入兩球,令華盛頓聯半場落後0-3。

下半場由更衣室出嚟冇耐,49分鐘,朗尼喺中場線附近帶波,被對手逼甩,佢一時情急,向已經攻入兩球嘅迪亞高羅斯腳下飛剷,迪亞高羅斯應聲倒地。朗尼冷靜落嚟後馬上「耍冧」,球證就出示黃牌。不過,喺翻睇VAR片段之後,可以見到朗尼當時勢頭相當兇狠,右腳離地飛剷,鞋釘踩中對手小腿位置,因此球證改判紅牌,將朗尼趕出場。迪亞高羅斯最終更喺下半場再入一球,以4-0大勝華盛頓聯。


朗尼今季喺MLS繼續表現出色,近5場射入4球兼交出2助攻,效率驚人。紅牌方面,朗尼喺今場之前,喺球會賽事取得2次直接紅牌、2次兩黃一紅,國際賽方面就有2次直接紅牌,其中對葡萄牙一場嘅紅牌,牽涉到C朗拿度,就更令人印象深刻。


全場精華

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→