有片有真相,雲加玩謝施丹純粹誤會

睇足365 於 29/05/2019 發表 收藏文章
昨日網上瘋傳一張相片,相中所見阿仙奴前領隊雲加面向皮球方向,而皇馬主帥施丹就喺雲加身後,疑似出手阻止雲加引球推進。

呢張相一出,要看圖說故事的話,好自然會覺得係雲加扭過施丹,而施丹就要用超技術阻止雲加。實上,施丹球員時代雖然貴為球王,但佢扭人就扭得多,冇話唔可以俾人扭過,所以即使雲加球員生涯並非球星,可以扭過施丹又有幾出奇?弊在有片先有真相,未有片睇之前,都只係看圖說故事。



呢場喺法國西南部舉行嘅慈善賽,邀請到雲加、施丹、迪甘斯、白蘭斯等法國球壇著名人物參加,原來係有片嘅,但始終唔係好受注目嘅賽事,質素同角度欠佳,比較可惜。


由片段可見,當時球員時代踢後場自由人嘅雲加係防守方,佢喺隊友包抄下,成功搶走個波,果然寶刀未老。呢個時候,已經69歲嘅「教授」冇違背自己嘅執教哲學,試圖帶波殺出重圍組織攻勢,但又缺乏速度,唯有越推越橫,結果被比較年輕力壯嘅施丹追到,仲搶埋個波,所以嗰張相其實係施丹追上雲加偷波前一剎那。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→