「最佳中堅」洛夫雲贏波寸爆拉莫斯 直播兼up批踭相:「批得好」

睇足365 於 17/11/2018 發表 收藏文章
克羅地亞國家隊最近喺歐洲國家聯賽A聯賽第4組賽事中,擊敗西班牙,「格仔軍團」兩度領先後下被追平2-2,補時階段由謝華積絕殺3-2。難怪與對手有仇嘅克羅地亞中堅洛夫雲,心情特別暢快,不過佢喺instagram上開直播寸爆對手,引起爭議。


利物浦喺上季歐聯決賽面對皇家馬德里,其中沙治奧拉莫斯被指令沙拿受傷離場,可能因此令紅軍中堅洛夫雲懷恨在心,多次發表針對拉莫斯嘅言論。早前曾經自稱憑世界盃表現足以成為「世界最佳中堅」嘅洛夫雲,就接受訪問時就話拉莫斯失誤比自己多:「你去睇下就知,拉莫斯犯嘅錯比我多,只不過佢係踢皇馬。有C朗喺度,就算你犯咗錯,最終都可以贏5-1、5-2,冇人會留意你嘅失誤。我就唔好彩喇,如果我失誤,就會輸1-0。」


喺球品方面聲明狼藉嘅拉莫斯,反而沉得全氣,佢喺賽前表示唔會回應洛夫雲嘅言論,以免再挑起爭端,又話每個人上到球場都會為勝利而戰。


今仗擊敗西班牙後,洛夫雲異常興奮,仲喺ig直播上怒寸對手。根據報導,佢喺比賽中同拉莫斯爭頂時,手肘曾經擊中後者,佢被指喺直播中話「批得好!」("Elbowed him good,"),又話「哈哈!3-2!佢哋就係一班懦夫。」 ("Haha! 3-2! Go ahead and talk now, buddy. Buddy! They are a bunch of pussies."),之後佢愛國情緒高漲,展示球衣上克羅地亞對西班牙嘅國旗印章,然後指住克國國旗,豪言下仗要擊敗英格蘭 ("Only this side is worthy. Now to beat England and walk out like a boss!") 。


懷疑「High大咗」嘅洛夫雲之後更直接上傳一張同拉莫斯爭頂嘅相片,見到拉莫斯手掩頭部,相信已被手肘打中,洛夫雲為相片配上caption "Dobro jutro Hrvatska" (克羅地亞早晨) 。


結果當然引起爭議,有皇馬球迷認為洛夫雲冇資格評價拉莫斯,又有利物浦球迷認為洛夫雲做得好。


Source: talkSportSportbible、BRFootball

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→