心態從來都係一啲天才球員嘅最大障礙，技術同潛質佢哋都有，但若心態出問題，面對年少成名嘅眾多誘惑，隨時前途盡毀。
俄羅斯前鋒高哥連 (Aleksandr Kokorin) 曾經被視為俄羅斯前線一位新希望，傳停帶射俱佳，踢法十分全面，一度吸引曼聯、阿仙奴等英超球會注目。2018世界盃，高哥連因為受傷而缺席俄羅斯國家隊名單，當時各界都認為係俄軍一個重大損失。
現年已經28歲、效力辛尼特嘅高哥連，去年10月，莫斯科市中心一間咖啡店中，與好友卡斯諾達中場馬馬耶夫 (Pavel Mamaev) 襲擊一名俄國政府貿易部門官員及同行人士，最終被拘捕。有報導指出，事件中有兩名政府高官受傷，其中一位係名為 Denis Pak 嘅華裔俄國工業及貿易部長，另一位係俄國汽車開發研究所 (NAMI auto institute) 所長 Sergei Gaysin，案件被指可能涉及種族歧視。
https://www.youtube.com/watch?v=0m7oPsxGYtw
兩位球星一直被當局扣留，直至最近完成司法程序。《BBC》報導，俄國法院判二人罪成，高哥連被判監18個月，馬馬耶夫就被判監17個月，高哥連弟弟及一位同行友人同樣被判罪成。二人嘅正式罪名係 "hooliganism" ，指破壞公眾秩序，如發起騷亂、欺凌、破壞公物等流氓行為。日常用語中 "hooliganism" 一般同運動群體有關，例如「足球流氓」football hooliganism。
由於兩名球員由10月起已經被拘禁，佢哋只需要再服刑6-7個月，最快可以喺2020年一月轉會窗重新尋找球會註冊上陣。雖然報導指兩位球星被安排到環境十分良好嘅監獄服刑，甚至有馬馬耶夫喺獄中參與足球比賽嘅片段流出，二人復出後狀態應不致太差，但佢哋嘅前途仍然令人擔心。早喺二人被捕時，俄超賽會已經發表聲明，譴責二人係流氓，令俄國足球蒙羞，辛尼特更直指高哥連行為噁心。加上二人襲擊俄國高官，未知會唔會被政府封殺。
https://www.youtube.com/watch?v=-R8VAocKHjU
事實上，高哥連紀律問題一向多多，佢曾經喺2016年歐洲國家盃代表國家隊出局後，與馬馬耶夫前往蒙地卡羅花天酒地，更被普京批評；高哥連試過喺好友婚禮上，雙手持槍拍照及向天開槍道賀。睇嚟高哥連都係俄國版「巴神」。
Source: BBC、Daily Mail、The Moscow Times
俄羅斯前鋒高哥連 (Aleksandr Kokorin) 曾經被視為俄羅斯前線一位新希望，傳停帶射俱佳，踢法十分全面，一度吸引曼聯、阿仙奴等英超球會注目。2018世界盃，高哥連因為受傷而缺席俄羅斯國家隊名單，當時各界都認為係俄軍一個重大損失。
現年已經28歲、效力辛尼特嘅高哥連，去年10月，莫斯科市中心一間咖啡店中，與好友卡斯諾達中場馬馬耶夫 (Pavel Mamaev) 襲擊一名俄國政府貿易部門官員及同行人士，最終被拘捕。有報導指出，事件中有兩名政府高官受傷，其中一位係名為 Denis Pak 嘅華裔俄國工業及貿易部長，另一位係俄國汽車開發研究所 (NAMI auto institute) 所長 Sergei Gaysin，案件被指可能涉及種族歧視。
https://www.youtube.com/watch?v=0m7oPsxGYtw
兩位球星一直被當局扣留，直至最近完成司法程序。《BBC》報導，俄國法院判二人罪成，高哥連被判監18個月，馬馬耶夫就被判監17個月，高哥連弟弟及一位同行友人同樣被判罪成。二人嘅正式罪名係 "hooliganism" ，指破壞公眾秩序，如發起騷亂、欺凌、破壞公物等流氓行為。日常用語中 "hooliganism" 一般同運動群體有關，例如「足球流氓」football hooliganism。
由於兩名球員由10月起已經被拘禁，佢哋只需要再服刑6-7個月，最快可以喺2020年一月轉會窗重新尋找球會註冊上陣。雖然報導指兩位球星被安排到環境十分良好嘅監獄服刑，甚至有馬馬耶夫喺獄中參與足球比賽嘅片段流出，二人復出後狀態應不致太差，但佢哋嘅前途仍然令人擔心。早喺二人被捕時，俄超賽會已經發表聲明，譴責二人係流氓，令俄國足球蒙羞，辛尼特更直指高哥連行為噁心。加上二人襲擊俄國高官，未知會唔會被政府封殺。
https://www.youtube.com/watch?v=-R8VAocKHjU
事實上，高哥連紀律問題一向多多，佢曾經喺2016年歐洲國家盃代表國家隊出局後，與馬馬耶夫前往蒙地卡羅花天酒地，更被普京批評；高哥連試過喺好友婚禮上，雙手持槍拍照及向天開槍道賀。睇嚟高哥連都係俄國版「巴神」。
Source: BBC、Daily Mail、The Moscow Times
請按此登錄後留言。未成為會員? 立即註冊