曾經嘅英格蘭金童奧雲，本來喺利物浦集萬千寵愛在一身，為利記入咗118球，如果冇咩差錯嘅話，叫佢做利物浦名宿都冇咩人會反對，點知去到職業生涯晚期，佢竟然犯下大忌，加盟紅軍死敵曼聯，唔少利迷都依家仲嬲緊，唔肯認佢做「利物浦名宿」，甚至有球迷諷刺咁叫佢做「曼聯名宿」。
本來呢啲嘢唔講幾年就忘記咗，但利物浦之前竟然咁冇公關智慧，任命咗奧雲做球會大使，已經令利迷好唔高興，佢最近又再次激親利迷。早排佢喺一個電視台訪問之中，竟然話多謝賓施馬間接令佢可以加盟曼聯。佢大致係話，當時曼聯領隊費格遜費Sir同佢講，本身頭號目標係引入當時仲係效力里昂嘅賓施馬，但賓施馬就喺2009年夏天選擇加盟皇馬，所以先會喺嗰季簽下奧雲。奧雲就透過個電視節目同賓施馬講：「我真係多謝你呀！」
其實佢當年由利物浦去皇馬，唔會有人話佢反骨仔，佢之後返英國踼紐卡素，同埋臨退休前踢史篤城，都唔會令利迷憎死佢，但佢作為喺利記青訓出身兼且成名嘅「利物浦人」，竟然喺2009年加盟世仇曼聯，依家仲要咁羞家講啲咁嘅嘢，當然激到利迷紮紮跳啦，佢哋仲話要發起聯署唔俾佢再做利記大使添！
事後，奧雲忍唔住喺Twitter出post回應：「我睇緊關於我效力曼聯嗰啲慣常充滿仇恨嘅言論。
為咗避免質疑，我要一再重申：
我愛利物浦，同埋喺我離開之後，每一次我簽新球會之前，我都嘗試返返利物浦。不過呢樣嘢最終都冇發生到，所以我要同其他球會簽約，去繼續我嘅生涯。」
不過就算係咁，對於利迷嚟講，始終都好難原諒佢，因為呢樣係當地足球文化嘅大忌，即使係溫和一啲嘅利迷，唔認同其他人用好過份嘅說話去鬧奧雲，但始終都唔能夠理解，點解一個自稱好愛利記嘅人會去曼聯，而點解一個踢過曼聯嘅人仲好意思話自己好愛利物浦。呢樣嘢對於香港人嚟講，感受冇咁深，唔少香港球迷都話唔明點解利迷咁憎佢。
但係就算踢完曼聯，如果有返啲公關智慧而又冇人拎住支槍迫你，冇理由專登衝出嚟講一啲「好開心有得踢曼聯」之類嘅說話，身為球會大使明知利迷唔鍾意你咁樣，仲要「嗱屎上身」，而公關智慧明顯係作為球會大使應該要有嘅能力，所以作為非利迷非曼迷，個人都認為佢已經證明自己唔稱職，不妨出少句聲當幫忙。
Source: SportBible
本來呢啲嘢唔講幾年就忘記咗，但利物浦之前竟然咁冇公關智慧，任命咗奧雲做球會大使，已經令利迷好唔高興，佢最近又再次激親利迷。早排佢喺一個電視台訪問之中，竟然話多謝賓施馬間接令佢可以加盟曼聯。佢大致係話，當時曼聯領隊費格遜費Sir同佢講，本身頭號目標係引入當時仲係效力里昂嘅賓施馬，但賓施馬就喺2009年夏天選擇加盟皇馬，所以先會喺嗰季簽下奧雲。奧雲就透過個電視節目同賓施馬講：「我真係多謝你呀！」
其實佢當年由利物浦去皇馬，唔會有人話佢反骨仔，佢之後返英國踼紐卡素，同埋臨退休前踢史篤城，都唔會令利迷憎死佢，但佢作為喺利記青訓出身兼且成名嘅「利物浦人」，竟然喺2009年加盟世仇曼聯，依家仲要咁羞家講啲咁嘅嘢，當然激到利迷紮紮跳啦，佢哋仲話要發起聯署唔俾佢再做利記大使添！
事後，奧雲忍唔住喺Twitter出post回應：「我睇緊關於我效力曼聯嗰啲慣常充滿仇恨嘅言論。
為咗避免質疑，我要一再重申：
我愛利物浦，同埋喺我離開之後，每一次我簽新球會之前，我都嘗試返返利物浦。不過呢樣嘢最終都冇發生到，所以我要同其他球會簽約，去繼續我嘅生涯。」
不過就算係咁，對於利迷嚟講，始終都好難原諒佢，因為呢樣係當地足球文化嘅大忌，即使係溫和一啲嘅利迷，唔認同其他人用好過份嘅說話去鬧奧雲，但始終都唔能夠理解，點解一個自稱好愛利記嘅人會去曼聯，而點解一個踢過曼聯嘅人仲好意思話自己好愛利物浦。呢樣嘢對於香港人嚟講，感受冇咁深，唔少香港球迷都話唔明點解利迷咁憎佢。
但係就算踢完曼聯，如果有返啲公關智慧而又冇人拎住支槍迫你，冇理由專登衝出嚟講一啲「好開心有得踢曼聯」之類嘅說話，身為球會大使明知利迷唔鍾意你咁樣，仲要「嗱屎上身」，而公關智慧明顯係作為球會大使應該要有嘅能力，所以作為非利迷非曼迷，個人都認為佢已經證明自己唔稱職，不妨出少句聲當幫忙。
Source: SportBible
請按此登錄後留言。未成為會員? 立即註冊