啱啱半夜進行咗英格蘭聯賽盃（Carabao Cup）第四圈，英超榜首曼城喺主場出擊對英冠榜首狼隊，雖然依家英超球隊對於聯賽盃唔係咁重視，通常都會出副選hea踢，但曼城要同狼隊踢到加時互射12碼先贏到狼隊，相信球迷都唔係咁滿意，但曼城主帥哥迪奧拿就有一番見解。
喺香港時間10月25日清晨嘅呢場比賽中，曼城主場出擊，雖然話出副選，但多數都係熟悉嘅名字，例如巴禾、文加拉、丹尼路、耶耶托尼、根度簡、班拿度施華、阿古路、史達寧、加比爾捷西斯，只有小將辛真高 (Oleksandr Zinchenko) 同艾達拉比奧約 (Oluwatosin Adarabioyo) 係新面孔，雖然話同狼隊比較起嚟點都算粒粒皆星，但戰意方面可能爭少少，面對硬橋硬馬搏命嘅狼隊，踼得辛苦都唔出奇。
曼城雖然一如以往控制場面，控球率達到69%，全場21次射門8次中目標，但始終無法攻破狼隊嘅大門，反而要靠上季慘成「箭靶」嘅門將巴禾屢救單刀先力保不失，佢又再喺互射12碼階段救出兩球，曼城先可以憑互射12碼贏3-1出線。
賽後，曼城主帥哥迪奧拿嘅一番言論成為熱話，佢竟然好嬲咁樣鬧個比賽波：
「個波對於高水平比賽嚟講實在太輕。」
「佢真係好輕，成日喺度飄嚟飄去。佢唔係一個好嘅波。根本冇可能用呢個咁嘅波去入波。我有資格咁講，因為我哋係贏波嗰隊。」
「我並唔係搵藉口。我嘅所有球員都喺度話『呢個係咩嚟架？』。」
「好對唔住，聯賽盃，呢個唔係一個認真嘅比賽應該用嘅波。咁樣同市場營銷、金錢有關，okay。不過咁樣係不能接受。佢冇重量，乜都冇。」
「都唔係一日半日，個波唔好踢已經係一兩年嘅事，所有球員都有投訴。」
狼隊主帥辛度 (Espirito Santo) 就話：「我唔能夠比較個波，因為我哋英冠同聯賽盃都係用同一款波，只有顏色唔同。」
（圖片來源：Daily Mail）
的而且確，英超同聯賽盃嘅比賽波係唔同牌子嘅，英超採用嘅係 Nike Ordem V ，而聯賽盃就用 Mitre Delta EFL ，兩個波踼起上嚟有咩唔同，小編就唔知道喇，不過聯賽盃同英冠、英甲、英乙都係用 Mitre Delta EFL ，可能對於低組別球隊真係一個優勢，但個人就認為哥帥作為英超榜首嘅領隊應該有返豪門嘅風度，檢討下自己球隊嘅不足好過批評個波啦。況且用呢款波唔係啱啱先知，既然早知會唔慣，買返十個八個賽前練波拎下球感都唔係好難啩？
Source: Guardian、Daily Mail
喺香港時間10月25日清晨嘅呢場比賽中，曼城主場出擊，雖然話出副選，但多數都係熟悉嘅名字，例如巴禾、文加拉、丹尼路、耶耶托尼、根度簡、班拿度施華、阿古路、史達寧、加比爾捷西斯，只有小將辛真高 (Oleksandr Zinchenko) 同艾達拉比奧約 (Oluwatosin Adarabioyo) 係新面孔，雖然話同狼隊比較起嚟點都算粒粒皆星，但戰意方面可能爭少少，面對硬橋硬馬搏命嘅狼隊，踼得辛苦都唔出奇。
曼城雖然一如以往控制場面，控球率達到69%，全場21次射門8次中目標，但始終無法攻破狼隊嘅大門，反而要靠上季慘成「箭靶」嘅門將巴禾屢救單刀先力保不失，佢又再喺互射12碼階段救出兩球，曼城先可以憑互射12碼贏3-1出線。
賽後，曼城主帥哥迪奧拿嘅一番言論成為熱話，佢竟然好嬲咁樣鬧個比賽波：
「個波對於高水平比賽嚟講實在太輕。」
「佢真係好輕，成日喺度飄嚟飄去。佢唔係一個好嘅波。根本冇可能用呢個咁嘅波去入波。我有資格咁講，因為我哋係贏波嗰隊。」
「我並唔係搵藉口。我嘅所有球員都喺度話『呢個係咩嚟架？』。」
「好對唔住，聯賽盃，呢個唔係一個認真嘅比賽應該用嘅波。咁樣同市場營銷、金錢有關，okay。不過咁樣係不能接受。佢冇重量，乜都冇。」
「都唔係一日半日，個波唔好踢已經係一兩年嘅事，所有球員都有投訴。」
引用'The ball was unacceptable for a high-level competition,'
'It is too light. It moves all over the place. It is not a good ball. It's impossible to score with a ball like that, and I can say that because we won.
'I'm not making excuses. All of my players said: "What is that?".
'I'm sorry, Carabao Cup, it is not a serious ball for a serious competition. It's marketing, money, okay. But it's not acceptable. No weight, nothing.
'One day or two days, but the ball is bad for one year or two years. All the players complain.'
狼隊主帥辛度 (Espirito Santo) 就話：「我唔能夠比較個波，因為我哋英冠同聯賽盃都係用同一款波，只有顏色唔同。」
（圖片來源：Daily Mail）
的而且確，英超同聯賽盃嘅比賽波係唔同牌子嘅，英超採用嘅係 Nike Ordem V ，而聯賽盃就用 Mitre Delta EFL ，兩個波踼起上嚟有咩唔同，小編就唔知道喇，不過聯賽盃同英冠、英甲、英乙都係用 Mitre Delta EFL ，可能對於低組別球隊真係一個優勢，但個人就認為哥帥作為英超榜首嘅領隊應該有返豪門嘅風度，檢討下自己球隊嘅不足好過批評個波啦。況且用呢款波唔係啱啱先知，既然早知會唔慣，買返十個八個賽前練波拎下球感都唔係好難啩？
Source: Guardian、Daily Mail
請按此登錄後留言。未成為會員? 立即註冊