普巴嘆被針對:球迷用另一把尺評價我

睇足365 於 11/06/2019 發表 收藏文章
曼聯中場普巴 (Paul Pogba) 一直係具爭議人物,佢本身大膽敢言、髮型多變,都顯示佢喜歡成為眾人目光焦點。自從以高價轉會費重返曼聯,佢嘅一言一行更受到密切「監察」,球場內外一舉手一投足都會引起討論。


普巴做咁多嘢表達自己,引人注目,以為佢好享受?事實又未必。普巴最近接受英國傳媒《The Times》專訪,表示認為外間對佢嘅評價準則與別不同。

「我一直都係咁樣踢波。而且,感謝神,我咁樣贏咗世界盃。

身體語言、髮型,呢啲都係說話(表達)嘅方式。

我由細個開始,已經係咁樣踢波。贏波嘅時候啲人唔會話我有問題,當我哋輸波或者我表現唔好,就突然係我踢法有問題。」


26歲嘅普巴已經貴為世界盃得主,2018-19球季又為曼聯於35場英超中射入13球,以中場球員嚟講算相當不俗。不過,佢同時被指係曼聯更衣室嘅毒瘤,有球迷認為球會應該將佢賣走。普巴認為自己背負高昂轉會費 (1.05億歐元) ,令外間對佢產生不合理嘅期望。

「因為呢次轉會,我變成另一個球員。因為呢個係當時世上最貴嘅轉會,咁大家就會用唔同嘅標準去睇我。

大家會因為呢個價錢,對我期望更多。 一場表現好嘅比賽變成普通,一場頂級表現嘅比賽變成唔錯。」



Source: Sky Sports

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→