施蒙尼囝囝發威戴帽,拿玻里慘吞費倫三蛋失爭冠優勢

睇足365 於 30/04/2018 發表 收藏文章
今季歐洲五大聯賽,只剩意甲冠軍席位爭持激烈,拿玻里今季較早前曾一度領先,但後來被祖雲達斯趕上,雙方喺意甲第34輪碰頭,拿玻里絕殺班馬軍團後,聯賽榜只落後前者1分,加上班馬軍團餘下賽程更為凶險,令拿玻里稍佔優勢。


不過,喺最近嘅意甲第35輪,祖雲達斯成功作客以3-2擊敗國際米蘭,拿玻里就作客不敵費倫天拿,令上仗力拼得嚟嘅優勢付諸流水。


上仗絕殺入波嘅高列巴尼,今仗比賽未夠10分鐘,就因為侵犯基奧雲尼施蒙尼而領紅牌被逐,令拿玻里早早少踢一人。34分鐘,基奧雲尼施蒙尼單刀輕鬆射入,先開紀錄。

下半場,基奧雲尼施蒙尼於角球攻勢中,門前補射得手,射成2-0。戰至補時階段,佢再次單刀力壓對手守將,射遠柱入網,完成帽子戲法。


大敗一場之後,拿玻里得84分、祖記得88分。餘下3輪聯賽,拿玻里對手係拖連奴、森多利亞及克羅托內,而祖記對手就係博洛尼亞、AC米蘭及羅馬,拿玻里奪冠就要自己盡量贏晒,兼寄望祖記失多幾分先得喇。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→