葡萄牙籍領隊摩連奴作為一代名帥，喺2018年底被曼聯解僱後，至今未有新執教工作，歐洲一流球隊大多已有固定主帥；至於中游球隊，雖然曾傳出過紐卡素等球會希望邀請摩連奴，但據悉已被拒絕，到底「摩佬」會去邊度教波呢？根據英國《The Telegraph》獨家報導，摩連奴曾同中國富商許家印會面，莫非有意到中國發展？
《The Telegraph》首席足球記者Jason Burt發表獨家報導，內有一張摩連奴與許家印碰杯嘅相片，報導稱摩連奴曾經與許家印商討執教廣州恆大，甚至中國國家隊嘅可能性。
許家印為中國恆大集團的創辦人兼董事長，亦係中超班霸廣州恆大淘寶嘅班主，同時喺中國足壇有著舉足輕重嘅地位，現任中國國家隊主帥納比亦曾經執教廣州恆大。自身亦係超級球迷嘅佢，目標係令中國殺入世界盃決賽周。
《The Telegraph》報導指，摩連奴與許家印私交甚篤，二人喺年初中國農曆新年時亦曾會面，今次二人會談十分正面，但相信摩連奴對於現階段前往中國發展抱有保留。
不過，一向相當有幻想力嘅中國傳媒，今次就睇淡傳聞，《新浪體育》、《騰訊體育》等報導認為，目前廣州恆大主帥簡拿華路成績唔錯，帥位穩固；中國國家隊方面，最近先請回納比執教，因此相信摩連奴與許家印會面只屬私人性質，佢到中國執教嘅可能性唔高。
一名記者指出，摩連奴與許家印其實已經多次喺唔同地方會面，但廣州恆大現時唔會換帥。
Source: Telegraph、騰訊體育
《The Telegraph》首席足球記者Jason Burt發表獨家報導，內有一張摩連奴與許家印碰杯嘅相片，報導稱摩連奴曾經與許家印商討執教廣州恆大，甚至中國國家隊嘅可能性。
許家印為中國恆大集團的創辦人兼董事長，亦係中超班霸廣州恆大淘寶嘅班主，同時喺中國足壇有著舉足輕重嘅地位，現任中國國家隊主帥納比亦曾經執教廣州恆大。自身亦係超級球迷嘅佢，目標係令中國殺入世界盃決賽周。
《The Telegraph》報導指，摩連奴與許家印私交甚篤，二人喺年初中國農曆新年時亦曾會面，今次二人會談十分正面，但相信摩連奴對於現階段前往中國發展抱有保留。
不過，一向相當有幻想力嘅中國傳媒，今次就睇淡傳聞，《新浪體育》、《騰訊體育》等報導認為，目前廣州恆大主帥簡拿華路成績唔錯，帥位穩固；中國國家隊方面，最近先請回納比執教，因此相信摩連奴與許家印會面只屬私人性質，佢到中國執教嘅可能性唔高。
一名記者指出，摩連奴與許家印其實已經多次喺唔同地方會面，但廣州恆大現時唔會換帥。
Source: Telegraph、騰訊體育
請按此登錄後留言。未成為會員? 立即註冊