【截止日】Sky Sports:曼聯求購高甸被拒 摩連奴對增兵不感樂觀

睇足365 於 09/08/2018 發表 收藏文章
曼聯今個轉會窗內已經同多個中堅拉上關係,包括艾達韋列特 (Toby Alderweireld) 、哈利麥佳亞 (Harry Maguire) 及最近嘅謝路美保定 (Jerome Boateng) ,反映曼聯十分希望喺呢個位置上補充兵源。轉會窗臨近截止,最新消息指出曼聯正「追求」馬德里體育會中堅迪亞高高甸 (Diego Godin) 。


英超轉會窗將於香港時間8月10日00:00正式關閉,曼聯今夏買入巴西中場費特 (Fred),另外有三號門將李爾格蘭 (Lee Grant) 及年輕右閘達洛特 (Diogo Dalot) ,但相信只有費特屬於正選級別,領隊摩連奴就多番抱怨球會引援不力。


根據《Sky Sports》報導,喺不斷尋求中堅人選不果之後,曼聯正接觸馬體會,查詢喺最後關頭引入老牌中堅高甸嘅可能性。32歲嘅高甸,今屆世界盃以隊長身份帶領烏拉圭殺入8強,佢一如以往嘅出色防守絕對係球隊重要嘅一環。


當然,曼聯都只係「查詢」,要馬體會放走呢支定海神針絕對有難度,而且時間緊迫,成事機會甚微。摩連奴今日就表示,自己對於喺轉會窗關閉前添兵,都覺得唔樂觀,係時候集中精神思考點樣以現有人腳應付新球季,特別係開季初段預計有羅美路、華倫西亞、洛祖、達洛特、靴里拉及馬迪缺陣,亦要考慮世界盃後遺症對其餘球員嘅狀態影響,喺頭三輪聯賽之後就有國際賽期可以調整。

最新消息指,高甸已經拒絕曼聯邀請。

Source: Sky Sports
Manchester United chasing Diego Godin in Deadline Day transfer
Manchester United boss Jose Mourinho 'not confident' of Deadline Day deals

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→