【慘食檸檬】傳雲加曾致電路明尼加,被告知不在拜仁新帥候選名單

睇足365 於 08/11/2019 發表 收藏文章
德甲班霸拜仁慕尼黑早前宣布主帥尼高高華離任,並於三星期內公布接任人選,令外間猜測湧現,其中前阿仙奴領隊雲加被傳係人選之一。

不過,根據德國《圖片報》(Bild) 可靠消息報導,拜仁慕尼黑嘅新任主帥唔會係雲加,消息指拜仁球會主席路明尼加 (Karl-Heinz Rummenigge) 已親口告知雲加不在考慮之列。

當地時間星期四,德國《圖片報》首席足球記者 Christian Falk 於Twitter上發文,聲稱獲得一則獨家消息,指雲加於星期三下午曾經致電路明尼加,表示希望執教拜仁嘅意願;拜仁方面十分欣賞雲加過去於阿仙奴嘅工作,但路明尼加已告知雲加,唔會考慮佢為新帥人選。




早前,雲加於電視節目上被問到是否希望執教拜仁,佢直接表示 "Of course" 。不過另一方面,前法國球星迪西里 (Marcel Desailly) 受訪時就認為,雲加仍然可以喺球會管理上有所作為,但70歲高齡嘅佢已經唔適合喺前線工作。

根據其他傳聞,拜仁新帥嘅熱門人選係阿積士主帥坦哈格 (Erik ten Hag) 、 PSG主帥杜曹 (Thomas Tuchel),亦有可能於今季餘下時間由暫代教練費歷克 (Hansi Flick) 暫代至季尾。

Source: Talksport

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→