【愛回家】荷蘭一代中鋒雲佩斯正式加盟母會飛燕諾

睇足365 於 20/01/2018 發表 收藏文章
最近阿仙奴同曼聯蘊釀緊涉及山齊士同米希達恩嘅交易,有報導指雙方已經鐵定會以呢兩名球員互換,只係差細節仲談判緊。如果成事的話,就會係阿仙奴繼雲佩斯之後,再一次將核心球員賣俾勢成水火嘅曼聯,雲加就主動出嚟話今次賣山神,冇上次賣雲佩斯咁傷喎。咁啱當年主角,踢過晒阿仙奴同曼聯嘅雲佩斯,就喺最近正式宣佈再次加盟荷甲球隊飛燕諾。


雲佩斯18歲時喺飛燕諾嶄露頭角,年紀輕輕嘅佢為呢支荷甲球隊上陣61場射入15球,之後就喺2004年轉投阿仙奴。


喺阿仙奴8年時光,曾司職左翼嘅雲佩斯被雲加全面改造為中鋒,佢經常受到傷患困擾,但雲加總係對佢有無限嘅耐性同等待。


佢喺2011-12球季先真正可以打足全季,就以隊長兼主力射手身分撐起兵工廠,以30球成為英超神射手,同時當選英格蘭球員先生,但佢喺呢個時候就選擇離開成名地,轉投更有雄心嘅曼聯爭冠,最終都如願以嘗,喺費格遜領軍最後一年為曼聯奪冠。


後來雲佩斯漸漸失去喺曼聯嘅位置,喺2015年轉投土超勁旅費倫巴治,2年半以來為球隊射入25個聯賽入球。已屆34之齡,雲佩斯最近重投母會飛燕諾,相信以佢級數,就算年紀大咗都仲可以幫到母會提升喺荷甲嘅成績。

飛燕諾現時由同樣曾經效力阿仙奴嘅雲邦賀斯執教,17輪聯賽過後,暫時以32分佔據聯賽榜第5位。



Source: BBC

如果喜歡我們的文章,請即分享到︰

標籤: 雲佩斯  飛燕諾  阿仙奴  曼聯  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→