前阿仙奴領隊雲加服務呢間北倫敦球會22載，係近代足壇罕見，亦相信今後好難再有人挑戰執教同一間球會超過20年。要執掌一間英超大球會22年，需要嘅係唔好俾人炒，同時唔好跳槽，雲加就算係去到執教阿仙奴最後幾年成績唔好嘅時候，一樣有唔少大球會邀請佢過檔，但雲加一於好少理，可見佢對於兵工廠嘅忠心不二。
西甲勁旅皇家馬德里曾經多次邀請雲加出任主帥，已經係球壇中公開嘅秘密，呢間不論球員同教練同樣視為夢想嘅球會同樣難以動搖雲加留喺阿仙奴嘅心，可見雲加不但忠心、有情，而且固執。
離開阿仙奴後，多次喺新興體育電視台《beIN Sports》上亮相，雲加今次喺鏡頭前親自大談拒絕執教皇馬嘅原因。主持人問到，雲加之前已經拒絕過皇馬，而家會唔會再對呢份工有興趣呢？雲加表示：
「我曾經唔止一次拒絕皇家馬德里嘅邀請，我認為對我嚟講而家一切已經結束。
當然，如果你問世上任何一個領隊，對執教皇馬有冇興趣，每一個都會話有，佢係世上最大嘅球會。」
主持人問到雲加留喺阿仙奴係唔係出於忠誠，雲加咁講：
「係，我哋總要按自己嘅價值生活。當時正係球會興建新球場嘅中途，我哋需要還債，我向球會保証唔會離開，而且我仍然為當時嘅決定感到高興。」
根據《Daily Mail》報導，雲加接受《Corriere dello Sport》訪問時，亦講出三個選擇留喺阿仙奴而唔去皇馬嘅原因：
「我喺阿仙奴感覺良好，
我同我嘅球員關係好好，
我喺阿仙奴有想要完成嘅計劃。」
至於未來仲有冇執教皇馬嘅機會，雲加就話：
「我答唔到呢個問題，因為我唔會知道未來嘅事。
我嘅工作係將球員最好嘅一面發揮出嚟，我希望將來可以繼續做呢樣嘢，不過首先我要將自己最好嘅一面發揮出嚟，而家我搵緊進步嘅最佳方法。」
Source: Sky Sports、Daily Mail
西甲勁旅皇家馬德里曾經多次邀請雲加出任主帥，已經係球壇中公開嘅秘密，呢間不論球員同教練同樣視為夢想嘅球會同樣難以動搖雲加留喺阿仙奴嘅心，可見雲加不但忠心、有情，而且固執。
離開阿仙奴後，多次喺新興體育電視台《beIN Sports》上亮相，雲加今次喺鏡頭前親自大談拒絕執教皇馬嘅原因。主持人問到，雲加之前已經拒絕過皇馬，而家會唔會再對呢份工有興趣呢？雲加表示：
「我曾經唔止一次拒絕皇家馬德里嘅邀請，我認為對我嚟講而家一切已經結束。
當然，如果你問世上任何一個領隊，對執教皇馬有冇興趣，每一個都會話有，佢係世上最大嘅球會。」
主持人問到雲加留喺阿仙奴係唔係出於忠誠，雲加咁講：
「係，我哋總要按自己嘅價值生活。當時正係球會興建新球場嘅中途，我哋需要還債，我向球會保証唔會離開，而且我仍然為當時嘅決定感到高興。」
根據《Daily Mail》報導，雲加接受《Corriere dello Sport》訪問時，亦講出三個選擇留喺阿仙奴而唔去皇馬嘅原因：
「我喺阿仙奴感覺良好，
我同我嘅球員關係好好，
我喺阿仙奴有想要完成嘅計劃。」
至於未來仲有冇執教皇馬嘅機會，雲加就話：
「我答唔到呢個問題，因為我唔會知道未來嘅事。
我嘅工作係將球員最好嘅一面發揮出嚟，我希望將來可以繼續做呢樣嘢，不過首先我要將自己最好嘅一面發揮出嚟，而家我搵緊進步嘅最佳方法。」
Source: Sky Sports、Daily Mail
請按此登錄後留言。未成為會員? 立即註冊