日前，法甲巴黎聖日耳門 (PSG) 主場大戰里昂嘅比賽中，今個夏天先以天價加盟嘅巴西球星尼馬，同埋PSG嘅當家射手卡雲尼，發生咗爭射罰球同12碼的風波，搞到面阻阻。
呢場比賽，PSG就憑住對手里昂嘅兩個烏龍球，以2-0贏波。作為法甲班霸，表現唔係咁有說服力，特別係尼馬同卡雲尼爭射罰球同12碼，而卡雲尼嘅12碼仲炒埋，賽後仲傳出兩人喺更衣室發生激烈爭執，需要隊友隔開先冇打大交。
故事其中一個小插曲，是喺比賽嘅第57分鐘，PSG獲得罰球機會，卡雲尼用手拎住個波，準備擺低射，丹尼爾艾維斯一手拎咗個波，然後好似交咗俾尼馬射。大家都以為丹尼爾係幫同樣由巴塞轉投、又同樣係巴西國腳嘅尼馬搶個波返嚟，點知全部都會錯意。因為丹尼爾事後自己講話：「其實我諗住自己射嘅。」
「我拎咗個波諗住去射，因為我都入過下罰球，所以有信心再射入多次。」
「當你覺得場波踢得唔係咁好嘅時候，就需要付起責任，而我就想咁做。」
「不過，之後尼馬就拎走咗個波去射罰球，而我就唔好彩冇得射。」
除咗呢球之外，麥巴比喺80分鐘博到12碼，卡雲尼諗住主射，但尼馬又行埋去，最終卡雲尼企硬一定要自己射，唔知係咪企得太硬，結果球12碼被門將救出咗。
事後，《隊報》報導指兩人賽後喺更衣室入面爭吵，互相指責，好彩有隊長泰亞高施華介入，先冇打大交。兩人爭射12碼就唔係第一次，PSG主帥艾馬利之前曾經話過球隊劊子手係卡雲尼，但依家就叫佢哋兩個自己傾掂數，否則佢先落order指定人選。
尼馬就unfollow咗卡雲尼Instagram，不過卡雲尼就話，爭射係好平常嘅時，佢哋兩個之間完冇問題喎，仲話等尼馬喺PSG適應咗會好啲。
《隊報》就報導，卡雲尼合約之中有法甲金靴獎金條款，如果佢能夠成為法甲神射手，就可以拎到100萬歐元嘅獎金，而且相信尼馬同樣有類似嘅條款，甚至獎金額更大。暫時踢咗6場法甲比賽，卡雲尼以7球屈居射手榜第二位，榜首就係摩納哥嘅法卡奧 (9球)，而尼馬暫時得4球，排第4位，難怪兩位咁緊張啦。
Source: Metro、Daily Mail、The Sun
呢場比賽，PSG就憑住對手里昂嘅兩個烏龍球，以2-0贏波。作為法甲班霸，表現唔係咁有說服力，特別係尼馬同卡雲尼爭射罰球同12碼，而卡雲尼嘅12碼仲炒埋，賽後仲傳出兩人喺更衣室發生激烈爭執，需要隊友隔開先冇打大交。
故事其中一個小插曲，是喺比賽嘅第57分鐘，PSG獲得罰球機會，卡雲尼用手拎住個波，準備擺低射，丹尼爾艾維斯一手拎咗個波，然後好似交咗俾尼馬射。大家都以為丹尼爾係幫同樣由巴塞轉投、又同樣係巴西國腳嘅尼馬搶個波返嚟，點知全部都會錯意。因為丹尼爾事後自己講話：「其實我諗住自己射嘅。」
「我拎咗個波諗住去射，因為我都入過下罰球，所以有信心再射入多次。」
「當你覺得場波踢得唔係咁好嘅時候，就需要付起責任，而我就想咁做。」
「不過，之後尼馬就拎走咗個波去射罰球，而我就唔好彩冇得射。」
除咗呢球之外，麥巴比喺80分鐘博到12碼，卡雲尼諗住主射，但尼馬又行埋去，最終卡雲尼企硬一定要自己射，唔知係咪企得太硬，結果球12碼被門將救出咗。
事後，《隊報》報導指兩人賽後喺更衣室入面爭吵，互相指責，好彩有隊長泰亞高施華介入，先冇打大交。兩人爭射12碼就唔係第一次，PSG主帥艾馬利之前曾經話過球隊劊子手係卡雲尼，但依家就叫佢哋兩個自己傾掂數，否則佢先落order指定人選。
尼馬就unfollow咗卡雲尼Instagram，不過卡雲尼就話，爭射係好平常嘅時，佢哋兩個之間完冇問題喎，仲話等尼馬喺PSG適應咗會好啲。
《隊報》就報導，卡雲尼合約之中有法甲金靴獎金條款，如果佢能夠成為法甲神射手，就可以拎到100萬歐元嘅獎金，而且相信尼馬同樣有類似嘅條款，甚至獎金額更大。暫時踢咗6場法甲比賽，卡雲尼以7球屈居射手榜第二位，榜首就係摩納哥嘅法卡奧 (9球)，而尼馬暫時得4球，排第4位，難怪兩位咁緊張啦。
Source: Metro、Daily Mail、The Sun
請按此登錄後留言。未成為會員? 立即註冊