巴神自由身未有著落,傳將加盟意甲升班馬布雷西亞或巴甲法林明高

睇足365 於 15/08/2019 發表 收藏文章
意大利球星巴洛迪利從來都被視為雙面刃,一方面佢喺前鋒位置上能力出眾,喺現今球壇唔容易得到呢類踢法全面嘅中鋒,但另一方面,佢性格古怪,做事每每出人意表,即使近年紀律問題已改善不少,但仍不時與所效球會或主帥產生矛盾。種種因素,令仍有一定入球能力嘅「巴神」,至今仍然係自由身。


「巴神」不獲馬賽續約,僅效力半個球季就成為自由身離隊。近年整個法甲生涯,佢喺76場比賽中射入41球。29歲嘅佢,最近被指獲得巴西球隊法林明高邀請,但隨即有意大利傳媒報導,意甲升班馬布雷西亞亦有意將佢收歸旗下,估計重返意甲對佢有更大吸引力。



《Sky Sport Italia》報導,「巴神」已經口頭答應布雷西亞班主Massimo Cellino,將會簽下3年合約。著名意大利記者Gianluca Di Marzio就指,「巴神」3年合約價值100萬歐元基本薪金,另加300萬歐元獎金。《Sportitalia》就稱,「巴神」首季薪金已達200萬歐元,如協助布雷西亞護級成功,可獲得150萬獎金。

事實上,布雷西亞作為升班馬,所能夠開出嘅條件唔算吸引,「巴神」單係為馬賽效力半季已得到400萬歐元,據報法林明高就開出咗接近嘅條件。不過,遠赴巴西定重返意大利,無疑係一大考慮因素。另外,「巴神」童年成長於 Lumezzane 社區,及於 F.C. Lumezzane 青年軍受訓,該地正正位於布雷西亞省。《Football Italia》指,「巴神」有一所住處只距離布雷西亞主場200米。



不過,「巴神」加盟布雷西亞仍未有定案,因為有報導指,布雷西亞發表聲明警告傳媒:「不當資訊的散佈,會損害球會的正接近完成的轉會活動,並減低成功機率。」同時,法林明高或會提高條件利誘「巴神」加盟。


Source:
Balotelli set for Brescia
Balotelli's Brescia deal revealed
Flamengo meet with Balotelli
Mario Balotelli close to joining Brescia after turning down Flamengo

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→