巴塞會長親認與基沙文經理人會面

睇足365 於 08/05/2018 發表 收藏文章
有關馬德里體育會前鋒基沙文嘅轉會傳聞早已不絕於耳,佢早前曾經同曼聯、巴塞隆拿等球會拉上關係。作為球星,受到唔同球會斟介時有發生,最近巴塞隆拿主席就承認接觸基沙文經理人,交易成事嘅可能性當然無可奉告,但起碼證實咗巴塞的確有意簽入呢位法國前鋒。


根據《Sky Sports》報導,雖然馬體會同基沙文喺2017年先簽下新合約,合約期至2022年,但基沙文一直受到其他球會覬覦,馬體會較早前曾經有望同基沙文再次續約,相信目的係提高違約金,最近會方認為情況已經變得並不樂觀,原因係基沙文受到巴塞隆拿「猛烈追求」。《Sky Sports》西班牙專家 Guillem Balague 指,巴塞隆拿願意付出高於合約規定嘅1億歐元違約金,換取馬體會樂意放人。另一方面,基沙文期望自己嘅前途可以喺今屆世界盃開始之前有定案。


近日,巴塞隆拿主席巴杜美奧 (Josep Maria Bartomeu) 接受訪問時,承認早已聯絡基沙文經理人:

「我喺巴利亞利群島渡假時,有時會撞到基沙文,我今年未同佢傾過,但喺10月嘅時候已經同佢經理人傾過。」

不過,巴杜美奧就話自己冇同馬體會主席親口討論過關於基沙文嘅事(唔代表冇報價):

「我同施里蘇(馬體會主席 Enrique Cerezo)傾過好多話題,但就冇傾過呢單嘢。」

另一邊廂,馬體會主席施里蘇早前公開表示,有信心基沙文來季仍然係馬體會一分子。


Source: Sky Sports
Antoine Griezmann agent spoke to Barcelona president amid ongoing speculation

Antoine Griezmann wants club future sorted before World Cup amid Barcelona interest
Atletico Madrid are resigned to Antoine Griezmann exit, says Guillem Balague

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→