尼馬新花式變「屁馬」,球迷竟燒埋夏薩特嗰疊?

睇足365 於 23/01/2020 發表 收藏文章
巴西球星尼馬 (Neymar) 好波係好波,不過佢都幾多場外花邊消息,影響佢喺球迷心目中嘅形像,一直都係一個評價幾兩極嘅球星。有部分香港球迷就喺網上以「屁馬」稱呼尼馬,一來「尼」、「屁」兩個字嘅速成碼相同,選字表上位置相鄰,久而久之成為部分球迷故意打錯嘅戲稱,更有可能包含部分球迷對佢嘅負面觀感。不過,尼馬最近喺比賽中,真係成為「屁馬」!

尼馬鍾意做花巧嘢就係人都知,佢繼續做出新花款,星期三嘅法國聯賽盃,巴黎聖日耳門作客同屬法甲球隊嘅蘭斯,尼馬雖然並冇入波,但佢同麥巴比同樣做出搶鏡行為。尼馬今次表演嘅係「屁股傳球」,個波彈下彈下,尼馬睇準時機,屁股一翹,剛好將個波傳去自己身後,對手俾佢呃晒。

loading


除咗「屁馬」傳球,麥巴比同樣搞笑,佢喺一次同尼馬嘅合作中,跌落地前用手將個波撥入空門,結果當然要食黃牌。最後,PSG以3-0擊敗蘭斯,尼馬亦貢獻助攻,表現相當出色。

loading
loading


講返尼馬,佢每次做呢啲花式嘢都會得到兩極評價,有球迷好欣賞佢嘅花式,認為相當悅目 (應該唔包括呢球),如果喺球例許可下用任何方式過人,有咩問題?不過有球迷就狠批佢態度輕挑,唔尊重對手,例如今次「屁股傳球」係唔係需要嘅動作?就交俾球迷自己判斷。

另一方面,今次網上好多球迷居然乘機燒埋夏薩特嗰疊。雖然夏薩特同呢場比賽完全無關,不過呢位29歲球星同尼馬各自被唔同球迷捧為「世界第三」球星,同時尼馬都曾經被傳會加盟皇馬,結果夏薩特季初以1億歐元登「艦」,兩人自然不時被比較。不過最重要 (同時最厘頭) 一點,係夏薩特一直以「大屁股」見稱,所以今次有球迷就講笑,話尼馬都係夏薩特fans,又有人話尼馬呢下證明自己個屁股勁過夏薩特。同時,佢哋都想話,夏薩特自從加盟皇馬以嚟,狀態都唔fit,又肥咗又受傷,真係令人失望。

loading

loading
loading

loading

loading

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→