足球領隊最怕就係自己嘅球員有傷病，隨時打亂晒球隊嘅排陣部署，足球員都係人，會傷風感冒都好正常，不過好似阿仙奴中場奧斯爾咁，今季已經四次要因病避戰，似乎就唔太常見，雲加近日表示佢應該會缺陣即將來臨嘅歐霸次回合賽事，有球迷就懷疑佢只係詐病放假。
阿仙奴將會喺香港時間2月23日04:05出戰歐霸盃32強次回合賽事，主場迎戰瑞典球隊奧斯達辛斯，首回合擁有3-0優勢。阿仙奴領隊雲加喺賽前表示，上仗入球功臣奧斯爾，將會因病缺陣今場歐霸比賽，希望佢全力為周末對曼城嘅聯賽盃決賽做準備。
雲加表示佢都唔明白點解奧斯爾經常病倒：
「佢嘅免疫系統似乎有啲問題，我都唔知點解會咁。我希望我哋可以改善醫療質素。
佢星期四晚 (英國時間) 由奧斯達辛斯返嚟，星期五六都有出席操練。
由星期一開始佢就臥病在床，今日先返嚟訓練。
我本來都一定會派佢落場，不過佢病咗，佢需要努力訓練，今場對奧斯達辛斯唔會出佢，去到星期日佢應該冇問題。」
阿仙奴即將喺英國時間星期日出戰聯賽盃決賽 (香港時間2月26日00:30)，面對強敵曼城。今次喺歐霸帶住三個作客入球優勢，俾奧斯爾專心備戰對曼城都十分正路。
不過，有球迷就留意到，奧斯爾喺「臥病在床」其間，竟然同女朋友喺土耳其影咗張靚相，唔通佢好似「打工仔」咁樣，「射波」(詐病唔返工) ，走去「風流快活」？其實病咗都可以去旅行嘅啫，但作為職業球員唔留喺屋企好好休息，球迷有所怨言都正常嘅，亦都有人話，根本就係雲加批准佢去放假輕鬆吓。
Source: Metro、The Sun、Mirror、justarsenal.com
阿仙奴將會喺香港時間2月23日04:05出戰歐霸盃32強次回合賽事，主場迎戰瑞典球隊奧斯達辛斯，首回合擁有3-0優勢。阿仙奴領隊雲加喺賽前表示，上仗入球功臣奧斯爾，將會因病缺陣今場歐霸比賽，希望佢全力為周末對曼城嘅聯賽盃決賽做準備。
雲加表示佢都唔明白點解奧斯爾經常病倒：
「佢嘅免疫系統似乎有啲問題，我都唔知點解會咁。我希望我哋可以改善醫療質素。
佢星期四晚 (英國時間) 由奧斯達辛斯返嚟，星期五六都有出席操練。
由星期一開始佢就臥病在床，今日先返嚟訓練。
我本來都一定會派佢落場，不過佢病咗，佢需要努力訓練，今場對奧斯達辛斯唔會出佢，去到星期日佢應該冇問題。」
阿仙奴即將喺英國時間星期日出戰聯賽盃決賽 (香港時間2月26日00:30)，面對強敵曼城。今次喺歐霸帶住三個作客入球優勢，俾奧斯爾專心備戰對曼城都十分正路。
不過，有球迷就留意到，奧斯爾喺「臥病在床」其間，竟然同女朋友喺土耳其影咗張靚相，唔通佢好似「打工仔」咁樣，「射波」(詐病唔返工) ，走去「風流快活」？其實病咗都可以去旅行嘅啫，但作為職業球員唔留喺屋企好好休息，球迷有所怨言都正常嘅，亦都有人話，根本就係雲加批准佢去放假輕鬆吓。
Source: Metro、The Sun、Mirror、justarsenal.com
請按此登錄後留言。未成為會員? 立即註冊