有人認為足球發展已經越嚟越「離地」，特別係主流聯賽往往成為商業工具，基本上普通球迷嘅聲音係完全受到忽視；但另一方面，潮流興「眾籌」，喺資訊及社交網絡發達之下，組織一班志同道合嘅人去組織球隊、籌辦聯賽，甚至集資建立一間球會，亦唔係太難做嘅事。近年，一班曼聯球迷自組球會曼市聯 (FC United of Manchester) 係一個著名例子，而由著名老牌球會獨立出嚟嘅AFC溫布頓就係近年最成功嘅例子。最近，亦有一班阿仙奴球迷希望用呢個方式回歸初心。
英格蘭足球興起時本來係工人階級活動，經歷一百多年發展後，逐漸商業化，英超聯賽本身嘅設立，更加係完完全全嘅商業決定。阿仙奴班主高安基 (Stan Kroenke) 入主以嚟，經營方針備受球迷批評，佢一直漠視球迷聲音，球迷認為佢只視球會為生財工具，只要球會繼續賺錢，佢根本對球隊競賽成績本身不感興趣。雖然阿仙奴競賽表現節節下滑，但酋長球場嘅高票價一直係惡名昭彰，甚至曾經喺歐洲賽場上被國外作客球隊抗議及杯葛，包括幾年前拜仁慕尼黑球迷抗議阿仙奴門票過高，德國聯賽十分重視草根球迷，甚至有「50+1」法案確保球迷擁有球會決策權，阿仙奴呢個情況無疑係佢哋不能接受。門票現象只係冰山一角，近年阿仙奴嘅亂局與其歸咎於個別領隊、球員，倒不如話係離不開班主至管理層，而一班球迷就表示受夠。
近日一班球迷認為阿仙奴現時太過商業化，已經失去球會嘅靈魂，決定成立一間全新球會，重拾阿仙奴初心。球會代表接受訪問時表示，球會選擇命名為Dial Square FC，亦即係阿仙奴前身最早嘅球會名稱，已經申請加入英格蘭第9級別聯賽嘅 Combined Counties Football League ，如無意外將會喺2020-21球季開始參加聯賽，目標係喺15至20年內擁有自己嘅主場及參加職業聯賽，短期目標係希望於5至7年來完成最少3次升班。
Dial Square FC 官網上介紹，阿仙奴起源於位處現時倫敦東南部胡列治 (Woolwich) 嘅皇家兵工廠 (Royal Arsenal Armament Factory)，由兵工廠員工於1886年成立，起初名為Dial Square，因為呢班工人喺皇家兵工廠內嘅Dial Square workshop工作，但球隊踢咗一場比賽後就決定改名為皇家兵工廠 (Royal Arsenal)，新球會選擇以 Dial Square FC 為名係向成立球會嘅工人致敬。新球會除咗希望盡快提升聯賽階級之外，一個重要長期目標係喺阿仙奴發源地 Woolwich 興建主場。球會官網、Twitter等平台已經開始運作，現時正鼓勵球迷參與球衣投票、集資等過程，更於官網上公開招募領隊。
要數近年英格蘭球壇最成功嘅「分家」例子，相信都係AFC溫布頓 (AFC Wimbledon) 。老牌球會溫布頓 (Wimbledon F.C.) 於2001年宣布遷往溫布頓北面90公里外，引起球迷強烈反對，最終溫布頓於2004年搬到米爾頓凱恩斯，並以此為名，只保留溫布頓球會外號 The Dons ，成為 Milton Keynes Dons 。不過舊有球迷就對此相當反感，認為「MK Dons不對表我」，於是喺溫布頓自行成立新球會 AFC Wimbledon ，由英格蘭第9級別聯賽Combined Counties Football League (即與Dial Square FC計畫相同) 踢起。AFC溫布頓喺13個球季內6次升班，已經連續三季征戰英甲聯賽，與「怨家」米爾頓凱恩斯同級。至於曼市聯，現時就處於仲乎第7-8級別嘅Northern Premier League。Dial Square FC 稱，成立球會嘅意念正係參考AFC溫布頓及曼市聯嘅經歷。
Source: Sportbible、dialsquarefc.com
英格蘭足球興起時本來係工人階級活動，經歷一百多年發展後，逐漸商業化，英超聯賽本身嘅設立，更加係完完全全嘅商業決定。阿仙奴班主高安基 (Stan Kroenke) 入主以嚟，經營方針備受球迷批評，佢一直漠視球迷聲音，球迷認為佢只視球會為生財工具，只要球會繼續賺錢，佢根本對球隊競賽成績本身不感興趣。雖然阿仙奴競賽表現節節下滑，但酋長球場嘅高票價一直係惡名昭彰，甚至曾經喺歐洲賽場上被國外作客球隊抗議及杯葛，包括幾年前拜仁慕尼黑球迷抗議阿仙奴門票過高，德國聯賽十分重視草根球迷，甚至有「50+1」法案確保球迷擁有球會決策權，阿仙奴呢個情況無疑係佢哋不能接受。門票現象只係冰山一角，近年阿仙奴嘅亂局與其歸咎於個別領隊、球員，倒不如話係離不開班主至管理層，而一班球迷就表示受夠。
近日一班球迷認為阿仙奴現時太過商業化，已經失去球會嘅靈魂，決定成立一間全新球會，重拾阿仙奴初心。球會代表接受訪問時表示，球會選擇命名為Dial Square FC，亦即係阿仙奴前身最早嘅球會名稱，已經申請加入英格蘭第9級別聯賽嘅 Combined Counties Football League ，如無意外將會喺2020-21球季開始參加聯賽，目標係喺15至20年內擁有自己嘅主場及參加職業聯賽，短期目標係希望於5至7年來完成最少3次升班。
Dial Square FC 官網上介紹，阿仙奴起源於位處現時倫敦東南部胡列治 (Woolwich) 嘅皇家兵工廠 (Royal Arsenal Armament Factory)，由兵工廠員工於1886年成立，起初名為Dial Square，因為呢班工人喺皇家兵工廠內嘅Dial Square workshop工作，但球隊踢咗一場比賽後就決定改名為皇家兵工廠 (Royal Arsenal)，新球會選擇以 Dial Square FC 為名係向成立球會嘅工人致敬。新球會除咗希望盡快提升聯賽階級之外，一個重要長期目標係喺阿仙奴發源地 Woolwich 興建主場。球會官網、Twitter等平台已經開始運作，現時正鼓勵球迷參與球衣投票、集資等過程，更於官網上公開招募領隊。
要數近年英格蘭球壇最成功嘅「分家」例子，相信都係AFC溫布頓 (AFC Wimbledon) 。老牌球會溫布頓 (Wimbledon F.C.) 於2001年宣布遷往溫布頓北面90公里外，引起球迷強烈反對，最終溫布頓於2004年搬到米爾頓凱恩斯，並以此為名，只保留溫布頓球會外號 The Dons ，成為 Milton Keynes Dons 。不過舊有球迷就對此相當反感，認為「MK Dons不對表我」，於是喺溫布頓自行成立新球會 AFC Wimbledon ，由英格蘭第9級別聯賽Combined Counties Football League (即與Dial Square FC計畫相同) 踢起。AFC溫布頓喺13個球季內6次升班，已經連續三季征戰英甲聯賽，與「怨家」米爾頓凱恩斯同級。至於曼市聯，現時就處於仲乎第7-8級別嘅Northern Premier League。Dial Square FC 稱，成立球會嘅意念正係參考AFC溫布頓及曼市聯嘅經歷。
Source: Sportbible、dialsquarefc.com
請按此登錄後留言。未成為會員? 立即註冊