【嚇死人咩】拜利為國上陣撞傷頭倒地,被隊友撬口急救最後自行步出球場

睇足365 於 25/03/2019 發表 收藏文章
曼聯後衛艾歷拜利 (Eric Bailly) 近年好似諸事不順咁,不時因傷避戰,即使健康時亦因狀態或不明原因,喺曼聯上陣時間亦大減,今季只上陣11場聯賽;最近國際賽期,返回國家隊,又不幸受傷,情況一度令人擔心。


周末非洲國家盃外圍賽H組賽事,科特迪瓦主場迎戰盧旺達,主隊以3-0大勝對手,拜利喺比賽中表現好壞參半,佢喺上半場有一次嚴重失誤,喺後場猜波時懷疑腳軟,被對手搶走個波單刀起腳,好彩對手稍稍射斜,未有鑄成大錯。


65分鐘,科特迪瓦角球攻勢,拜利高高躍起,頭槌一頂入網,助球隊拉開優勢至2-0。


不過,冇耐之後,拜利同對手爭頂時撞傷頭部倒地,身邊隊友懷疑見到拜利失去知覺或表現唔尋常,要用手撬開拜利口部,以防佢吞舌窒息。所幸經過軍醫治理之後,拜利可以自行步出球場,教練隨即將佢換走,以策安全。


雖然未有事發片段夫供,但科特迪瓦國家隊Instagram賽後發布一張拜利包紮著頭部嘅相片,稱球員傷勢並無大礙。


根據慣例,球員遇上類似事故後,除應接受腦部掃瞄確認未有腦震盪跡象外,亦應休息最少一至兩星期。

全場精華

Source: Daily Mail90MinStandard

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→