唔係法卡奧、卡雲尼,歐洲入球效率王係「月巴」!

睇足365 於 15/12/2017 發表 收藏文章
歐洲有唔少出色嘅前鋒,講入波最多嘅,今季有卡雲尼、伊卡迪、恩莫比利、利雲度夫斯基、美斯、法卡奧等,不過講到入球轉化率 (shot-conversion rate) ,即係射門數同入球數比例,估唔到今季暫時最高嘅係愛華頓隊長朗尼!


32歲嘅朗尼今季由曼聯重返母會愛華頓,但球隊喺開季初段表現甚差,一度出現降班危機,令佢哋炒咗領隊朗奴高文,由助理領隊安斯禾夫暫代,直到新帥艾拿戴斯上任之後,球隊表現的確有起色。艾拿戴斯喺11月30日接手,同日佢哋大炒韋斯咸4-0,但呢場波「大Sam」仲未正式喺場邊督師。呢一場之後,即係「大Sam」帶隊以嚟,佢哋到目前各項賽事錄得4戰3勝,其中包括逼和打吡死敵利物浦,佢哋依家已經上返聯賽榜第10位。

隊長朗尼係球隊近期戰績回升嘅功臣之一,佢喺大炒韋斯咸4-0一役,個人連中三元,係今季代表作。佢最近又喺對紐卡素一戰,一箭定江山,幫助球隊再贏一場。計埋呢球,佢近四場聯賽已經攻入五球!

loading

朗尼對韋斯咸一役射入個人六年來首個帽子戲法:

睇返射手榜,朗尼暫時同盧卡古、莫拉達、史達寧一樣,以9個聯賽入球並列第4位,前面嘅就有沙拿、哈利簡尼同阿古路,而且佢仲有7個首名入球,係球隊嘅「關鍵先生」。呢個入球數字當然唔失禮,但都估唔到會令朗尼威出國際,因為講入波多嘅話,PSG嘅卡雲尼15場法甲入17球、國米嘅伊卡迪16場意甲入16球、拉素嘅恩莫比利15場意甲入15球,朗尼有排未追到。

不過講入波效率嘅話,佢哋都唔夠朗尼嚟,唔係講緊1射1中100%嗰啲,朗尼24次起腳射門攻入9球,入球轉化率達到37.5%,係歐洲五大聯賽之首!法卡奧就以33%緊隨其後,佢42次射門攻入14球,伊卡迪同卡雲尼就分別係30.77%同30.36%。你話月巴係咪威返舖先?
loading


Source: FourFourTwo

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→