【呼聲甚高】走出心臟病陰霾,「聖卡斯」宣布參選西班牙足協主席

睇足365 於 18/02/2020 發表 收藏文章
前西班牙國家隊及前皇家馬德里首席門將卡斯拿斯 (Iker Casillas) 去年5月訓練時心臟病發,此後未有再為波圖出賽,亦未有宣布掛靴,最近就公布新計畫,就係參選西班牙足協主席。


2019年5月1日,效力波圖嘅卡斯拿斯於參加球隊操練時心臟病發,被緊急送到醫院治理,後來進行心臟手術過後情況穩定落嚟,開始休養。休息6個月後,卡斯拿斯11月重返訓練場進行單獨操練,但為安全起見,只今未有再為球隊上陣。卡斯拿斯曾於訪問表示,將於今年3月進行身體檢查決定是否退役。

幾日前,有傳媒發現負責西班牙體育事務嘅體育高等議會 (sports Higher Council) 主席 Doña Irene Lozano 與卡斯拿斯會面,並獲得主席本人證實,但佢拒絕透露卡斯拿斯是否決定參選西班牙足協主席。不過,當時西班牙傳媒已流出風聲。最終,卡斯拿斯於今日正式宣布參加選舉,角逐來屆足協主席。卡斯拿斯表示已將決定告知現效力球會波圖嘅主席,並為效力波圖呢段日子感謝佢,意味著佢將會離開球會。「聖卡斯」又話,希望大家支持佢帶領西班牙足球重返巔峰。


西班牙足協現任主席路比亞斯 (Luis Rubiales) 早前被控告於2017年暴力襲擊一名女性,致使受害人休養262日及聲稱患上創傷後遺症,案件於近日上庭進行。同時,新一任足協主席選舉亦即將舉行,報導指路比亞斯民望甚低,但未有人挑戰,令佢有可能自動連任,球圈人士最終成功說服卡斯拿斯參選。



卡斯拿斯曾任西班牙國家隊隊長,更協助西班牙橫掃2008歐國盃、2010世界盃及2012歐國盃,於國內聱望極高。《馬卡報》進行網上調查,指有94%網民支持卡斯拿斯當選。

Source: Marca

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→