卡斯拿斯操練時心臟病發送院,波圖證實消息指進行「聖卡斯」已完成心臟手術

睇足365 於 01/05/2019 發表 收藏文章
今日傳出一則令球迷膽顫心驚嘅消息,37歲前西班牙國家隊門神卡斯拿斯因為心臟病發被送到醫院,幸好消息指已無大礎。近年運動員心臟健康問題漸受關注,希望卡斯拿斯早日康復及多加休息。

loading

葡萄牙時間5月1日下午 (香港時間5月1日晚上),傳媒報導指效力波圖嘅卡斯拿斯心臟病發,嚇親唔少球迷,當地報章《A Bola》指卡斯拿斯今日參加球隊操練,途中感到心臟位置疼痛,隨即送院。

波圖會方隨後發表聲明,證實卡斯拿斯喺訓練中心臟病發,更用上 "acute" (急性、劇烈) 字眼,球隊馬上暫停操練,並將呢位門將送到醫院接受治理,卡斯拿斯已進行心臟手術,現時已經冇危險,情況穩定落嚟,而且神智清醒,形容佢嘅心臟問題已經解決,佢喺今季餘下賽事唔會再披甲上陣。

事後,包括「聖卡斯」嘅前球會皇家馬德里在內,眾多球壇人士/球會送上祝福,希望佢早日康復。

loading
loading

loading

loading
loading

loading


卡斯拿斯今個月20日就會度過38歲生日,今次遇上心肌梗塞問題,未知會唔會影響佢為波圖效力第四個球季,當然一切要以健康為重。

Source: SkySportsGoalTelegraph

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→