前韋斯咸中堅占士哥連斯 (James Collins) 為人爽直、球風硬朗，呢位35歲威爾斯守將效力韋斯咸6季，但喺今年夏天據報被以電郵形式通知解約，年事已高嘅佢近來一直未有落班，最近終於得到機會重返阿士東維拉，但不幸遇上阻滯。
占士哥連斯近來一直喺舊球會、英冠嘅阿士東維拉跟操，表現得到認可，加上球會遇上後防傷病潮，決定簽入呢位老將應急，向佢開出一份周薪約10,000英鎊嘅短期合約，希望佢至少可以喺一月轉會窗完結前幫助球隊。
有報導指出，占士哥連斯同球會正式喺合約上簽字之後，前者就去到訓練場練習，但竟然隨即喺一個小時之內觸傷小腿，初步診斷後相信需要休養5個星期。換句話講，喺占士哥連斯啱啱簽下嘅短期合約期內，佢都冇辦法為球隊上陣。若非知道占士哥連斯為人，旁人隨時以為佢係「合約戰士」想白逗人工！
不過，占士哥連斯跟住嘅反應都出人意表，據報佢一手將新合約撕爛洩憤，以示絕對唔做白逗人工咁樣嘅事。阿士東維拉主帥迪恩史密夫接受訪問時證實占士哥連斯受傷，但並未提及撕毀合約一事是否屬實，以及占士哥連斯嘅前程。報導又指，球會對占士哥連斯嘅態度十分敬佩，願意考慮喺佢傷癒之後俾佢繼續留隊。
阿士東維拉於執筆之時暫時排聯賽第8位，與升班附加賽席位只差3分，但一隊暫時只有曼聯借將杜安斯比 (Axel Tuanzebe) 及隊長占士車士打 (James Chester)兩位100%健康及有狀態可上陣嘅正宗中堅，前英格蘭國腳米卡李察士 (Micah Richards) 就一直於預備隊操練，2016年後未曾於任何正式賽事中上陣。
Source: Fox、90min
占士哥連斯近來一直喺舊球會、英冠嘅阿士東維拉跟操，表現得到認可，加上球會遇上後防傷病潮，決定簽入呢位老將應急，向佢開出一份周薪約10,000英鎊嘅短期合約，希望佢至少可以喺一月轉會窗完結前幫助球隊。
有報導指出，占士哥連斯同球會正式喺合約上簽字之後，前者就去到訓練場練習，但竟然隨即喺一個小時之內觸傷小腿，初步診斷後相信需要休養5個星期。換句話講，喺占士哥連斯啱啱簽下嘅短期合約期內，佢都冇辦法為球隊上陣。若非知道占士哥連斯為人，旁人隨時以為佢係「合約戰士」想白逗人工！
不過，占士哥連斯跟住嘅反應都出人意表，據報佢一手將新合約撕爛洩憤，以示絕對唔做白逗人工咁樣嘅事。阿士東維拉主帥迪恩史密夫接受訪問時證實占士哥連斯受傷，但並未提及撕毀合約一事是否屬實，以及占士哥連斯嘅前程。報導又指，球會對占士哥連斯嘅態度十分敬佩，願意考慮喺佢傷癒之後俾佢繼續留隊。
阿士東維拉於執筆之時暫時排聯賽第8位，與升班附加賽席位只差3分，但一隊暫時只有曼聯借將杜安斯比 (Axel Tuanzebe) 及隊長占士車士打 (James Chester)兩位100%健康及有狀態可上陣嘅正宗中堅，前英格蘭國腳米卡李察士 (Micah Richards) 就一直於預備隊操練，2016年後未曾於任何正式賽事中上陣。
Source: Fox、90min
請按此登錄後留言。未成為會員? 立即註冊