勁過雲迪克?甘彭比一個守四個,英雄式攔截救駕靚絕球壇

睇足365 於 21/12/2020 發表 收藏文章
記得雲迪克曾經有一次喺防守對手反擊時,以單人匹馬化解對方兩人攻勢,被指係教科書式防守。不過,最近喺法甲就出現一個更令人驚奇嘅情景,就係一個守四個!

(雲迪克對熱刺 1 vs 2)

12月20日法甲第16輪賽事,PSG作客里爾合演榜首大戰,傷兵滿營嘅PSG今仗有尼馬、伊卡迪、沙拉比亞等人缺陣,麥巴比亦要先列後備,結果成場比賽打得相當辛苦,去到比賽末段仲幾乎全失三分。


到78分鐘,PSG一次角球攻勢被對手解圍,里爾隨即快速反擊,而PSG後方只剩甘彭比(Presnel Kimpembe)一位場區球員作最後一道防線,瞬間形成1打4局面。甘彭比左顧右昐,選定防守路線,最後當添莫菲韋亞(Timothy Weah)橫傳俾耶馬斯(Burak Yilmaz)之際,甘彭比果斷瞓身攔截,越過添莫菲韋亞剷中正滾向耶馬斯腳下嘅皮球,更將個波留喺自己腳下,最終成功將個波交俾隊友。

loading

loading

loading

不過,甘彭比亦因為呢下捨命回防,拉傷肌肉,隨即被調離場。甘彭比自己都忍唔住喺Twitter翻貼呢個精彩鏡頭,實行「一J再J」,仲話 "One for the team(為咗球隊)"。呢個英雄式攔截,令PSG得以保持不失,以0-0完場。PSG今季表現失場往年霸氣,16輪過後,已有2和4負,以1分之差落後榜首里爾,只排第3位。當然唔係一下半下就可以話勁過雲迪克,而且呢啲情況絕大多數情況都可以歸疚於進攻方嘅執行欠佳,同時反映咗球隊防守上嘅整體漏洞,不過呢下攔截就肯定夠晒精彩!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→