加利夫巴爾最新消息!《BBC》:皇家馬德里取消與江蘇蘇寧交易

睇足365 於 28/07/2019 發表 收藏文章
皇家馬德里翼鋒加利夫巴爾 (Gareth Bale) 傳聞頗有機會加盟中超球隊江蘇蘇寧,而佢嘅經理人正同江蘇蘇寧談判,更有報導指談判進展十分良好。不過隨著中超轉會窗將於7月31日關閉,交易成事與否,一切將於幾日內揭曉,而《BBC》就突然於今日指出交易已經告吹。

今日較早時間曾經同大家分享過《Sky Sports》新聞,指出加利夫巴爾已經越來越接近加盟江蘇蘇寧。不過一向報導十分準確嘅《BBC》,就喺剛剛發布消息,稱交易已經被取消:

引用"Gareth Bale's move to China is off after Real Madrid cancelled the deal, with the Wales winger now set to stay at the Spanish club."

報導明確指出,交易係被皇家馬德里方面取消,因此相信加利夫巴爾來季將會留隊繼續效力。



現年30歲嘅加利夫巴爾由2013年效力至今,受到傷患影響,令當年以破球會紀錄轉會費加盟嘅佢,4個球季以來只曾為球隊正選披甲79場西甲。除咗被指「獨家村」,未能融入球隊之餘,今季佢亦曾被主場球迷喝倒采。早前,皇馬主帥施丹直指,巴爾離隊對大家都係好事。

引用"We hope he leaves soon. It would be best for everyone. We are working on his transfer to a new team."

如果要講出一個皇馬決定取消交易嘅原因,相信係同陣中中場阿辛斯奧重傷有關。即使施丹唔特別需要巴爾,但阿辛斯奧嘅缺陣亦有可能令球會希望「暫緩」將佢賣走嘅決定。另一個可能性係球會收到更好報價,但承接另文分析,市場上有能力而願意收購巴爾,同時可以滿足佢個人條件嘅,恐怕只有中超球會,因此呢個可能性機會不大。

Source: BBC

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→