前飛馬主帥奇雲邦特登上《Sky Sports》,可惜係負面消息⋯⋯

睇足365 於 08/09/2019 發表 收藏文章
近年有留意開香港足球嘅球迷,一定對奇雲邦特(Kevin Bond)呢個名字唔會感到陌生,佢曾經兩度執教港超球隊香港飛馬,被譽為「神奇領隊」,早前更成為香港隊主帥潛在人選之一。最近,奇雲邦特登上英國《Sky Sports》,可惜就唔係咩光彩事。


奇雲邦特自從2017年離開香港飛馬,返回英國伯明翰擔任哈利列納副手,此後一直未有擔任任何球隊主帥。2019年1月,佢短暫來港帶領香港聯賽選手隊出戰2019年賀歲盃,外間猜測佢係嚟面試香港代表隊主帥一職,佢亦大方承認對空缺感興趣,而且認為自己係合適人選。最終,香港隊4月委任麥栢倫為主帥,而奇雲邦特亦終於揾到新工作。

2019年4月,奇雲邦特獲英甲球隊修安聯(Southend United)任命為看守領隊,執敎至季尾。佢成功幫助球隊脫離險境,喺最後一輪後僅僅憑得失球差以第19位護級成功,令佢贏得一張正式合約。


今季,奇雲邦特麾下嘅修安聯開季六場全敗,排英甲第22位,不過只係由於保頓及貝利被扣12分,而貝利已被逐出聯賽。事賽上,因財困而只能以5名一隊球員及大量年輕球員出賽嘅保頓,5戰仍能取得1分,可見修安聯戰績實在慘不忍睹,令球會果斷狠下「殺」手。

loading

《Sky Sports》報道指,奇雲邦特於星期五與班主會面,及後達成共識,主動提出辭職。班主Ron Martin發表聲明,感謝奇雲邦特去季成功協助球隊護級,可惜今季球隊成績未如理想,導致雙方分手。

香港飛馬今季大膽起用未有主帥經驗嘅文彼得,另一方面,香港代表隊於麥栢倫帶領下表現欠佳,唔知奇雲邦特會唔會又再伺機而動?

Source: SkySports

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→