阿仙奴今季表現低迷，聯賽已錄得連績5場不勝，對手只係錫菲聯、水晶宮、狼隊、李斯特城及修咸頓五間規模較細球隊，令主帥艾馬利受到前所未有壓力。一旦艾馬利被炒，於雲加離任後曾經競逐阿仙奴主帥一職嘅阿迪達 (Mikel Arteta) 被指有可能再一次進入候選名單，佢現時正跟隨嘅曼城領隊哥迪奧拿最近受訪時對此發表意見。
現年37歲嘅阿迪達，球員生涯最後一間效力球會正係阿仙奴，佢為兵工廠效力5年，最後兩年擔任球會隊長。球員生涯最後階段已開始於阿仙奴青訓接觸教練工作，2016年高掛球靴後，阿迪達隨即獲得曼城邀請出任助理領隊，成為名帥哥迪奧拿副手。
阿迪達擔任哥迪奧拿副手期間，工作表現大獲好評，因此雲加離開阿仙奴後，佢曾經進入阿仙奴新帥候選名單，傳聞指佢未能就「話事權」與管理層達成共識；相反，艾馬利憑出色面試表現及同意管理層權力分布安排，奪得領隊之位。現時艾馬利帥位不穩，阿迪達再一次被傳為接任人選之一。
哥迪奧拿接受訪問時，大讚阿迪達足以勝任領隊：
「艾馬利而家仲係阿仙奴嘅領隊。不過當然，阿迪達遲早都會成為一名領隊。我哋會一齊完成呢個球季，但未來嘅事好難講。我好想佢繼續留低，咁曼城就擁有一個有無懈可擊嘅工作價值嘅人喺未來繼續服務球會，不過職業發展嘅欲望係難以避免。球會每個人都好希望佢留低。
佢曾經係一個出色嘅球員，擔任防守中場令佢有洞察球場形勢嘅視野。如果你係一個前鋒，你會專注於入波；門將就專注於救波。我認為做防守中場係一個好好嘅訓練，你唔需要再去上堂學做教練。
除此之外，阿迪達亦係一個好勤奮嘅人。我同佢合作幾個月之後，已經話佢將會做領隊。其實佢已經係一個領隊，佢處事嘅方式已經好似一個領隊。」
即係話，哥迪奧拿認為阿迪達好幫得手，但明白一旦佢得到成為領隊嘅機會時，冇可能留住佢，而且亦相信佢有能力成為一位好領隊。現時車路士、曼聯都有球會嘅前球員執教，林柏特表現充滿驚喜，蘇斯克查就表現一般，唔知阿仙奴願唔願意嘗試呢？另外，阿仙奴名宿龍格保現時亦係球會嘅助理主教練。
Source: Sky Sports
現年37歲嘅阿迪達，球員生涯最後一間效力球會正係阿仙奴，佢為兵工廠效力5年，最後兩年擔任球會隊長。球員生涯最後階段已開始於阿仙奴青訓接觸教練工作，2016年高掛球靴後，阿迪達隨即獲得曼城邀請出任助理領隊，成為名帥哥迪奧拿副手。
阿迪達擔任哥迪奧拿副手期間，工作表現大獲好評，因此雲加離開阿仙奴後，佢曾經進入阿仙奴新帥候選名單，傳聞指佢未能就「話事權」與管理層達成共識；相反，艾馬利憑出色面試表現及同意管理層權力分布安排，奪得領隊之位。現時艾馬利帥位不穩，阿迪達再一次被傳為接任人選之一。
哥迪奧拿接受訪問時，大讚阿迪達足以勝任領隊：
「艾馬利而家仲係阿仙奴嘅領隊。不過當然，阿迪達遲早都會成為一名領隊。我哋會一齊完成呢個球季，但未來嘅事好難講。我好想佢繼續留低，咁曼城就擁有一個有無懈可擊嘅工作價值嘅人喺未來繼續服務球會，不過職業發展嘅欲望係難以避免。球會每個人都好希望佢留低。
佢曾經係一個出色嘅球員，擔任防守中場令佢有洞察球場形勢嘅視野。如果你係一個前鋒，你會專注於入波；門將就專注於救波。我認為做防守中場係一個好好嘅訓練，你唔需要再去上堂學做教練。
除此之外，阿迪達亦係一個好勤奮嘅人。我同佢合作幾個月之後，已經話佢將會做領隊。其實佢已經係一個領隊，佢處事嘅方式已經好似一個領隊。」
即係話，哥迪奧拿認為阿迪達好幫得手，但明白一旦佢得到成為領隊嘅機會時，冇可能留住佢，而且亦相信佢有能力成為一位好領隊。現時車路士、曼聯都有球會嘅前球員執教，林柏特表現充滿驚喜，蘇斯克查就表現一般，唔知阿仙奴願唔願意嘗試呢？另外，阿仙奴名宿龍格保現時亦係球會嘅助理主教練。
Source: Sky Sports
請按此登錄後留言。未成為會員? 立即註冊