【前途無限】六球血洗克羅地亞,阿辛斯奧獨造五球全面睇

睇足365 於 12/09/2018 發表 收藏文章
昨夜歐洲國家聯賽A聯賽第4組賽事,西班牙主場迎戰克羅地亞。「格仔軍團」克羅地亞每逢大賽都被列入黑馬分子之一,今屆世界盃憑拼勁一路殺入決賽,縱使飲恨而回,仍足以令球迷印象深刻。不過,可能係拼得太盡嘅後遺症,克羅地亞喺世界盃過後第一場正式賽事遇上西班牙,雖然仍派上摩迪、拉傑迪、比列錫等主力,卻竟慘吞六蛋,昔日韌力全無,創下國家隊史上最大敗仗。


另一邊廂,西班牙經歷世界盃失利,近仗中前場改為重用洛迪高摩連奴 (Rodrigo) 、伊斯高及沙奧尼古斯 (Saul Niguez),今仗正選上陣嘅22歲皇馬翼鋒阿辛斯奧 (Marco Asensio) 更下奇功,六個入球中,有五個同佢直接有關!


西班牙今仗第二個入球,正係阿辛斯奧33分鐘遠程冷箭破網,取得個人首個國家隊入球。


2分鐘之後,阿辛斯奧右路推入中間左腳遠射,中楣彈出,省中克軍門將背部入網,雖然按統計為門將卡連歷擺烏龍,但仍然係阿辛斯奧射門造成。


49分鐘,阿辛斯奧中場放直線,洛迪高單刀輕鬆建功。


57分鐘,阿辛斯奧左路開出內彎角球,沙治奧拉莫斯頭槌迎頂入網。


70分鐘,阿辛斯奧右路引球推進吸引三人跟至,橫傳俾無人看管嘅伊斯高,一射破網。



全場精華

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→