前女友自殺死控,謝路美保定離隊返國

睇足365 於 11/02/2021 發表 收藏文章
德甲球隊拜仁慕尼黑剛剛晉身世界冠軍球會盃決賽,將會面對墨超球隊堤格雷斯,不過球隊老臣謝路美保定就以私人理由離隊返回德國,肯定缺席於卡塔爾舉行嘅世冠盃決賽。

loading

根據德國傳媒報道,謝路美保定離隊嘅原因,係由於同佢喺一星期前分手嘅女友Kasia Lenhardt被發現於家中倒斃,初步相信係死於自殺,呢位波蘭模特兒,終年僅僅25歲。柏林警方稱,於該市一個單位內發現屍體,認為死因無可疑。

loading

報道又指,Kasia Lenhardt與謝路美保定拍拖15個月,佢早前曾經表示謝路美保定多次出軌,更以「魔鬼」形容呢位德國中堅。2月2日,謝路美保定發表聲明,表示已經同女方分手,又表示要向所有曾經受到自己傷害嘅人道歉:「呢個係令人遺憾嘅決定,但對我同我嘅嚟講係正確決定。我需要踏出呢一步,劃清界線。我要向所有曾經受到我傷害嘅人道歉,特別係前女友Rebecca同埋我哋嘅小朋友。我同樣對自己感到失望。一個男人應該負起責任及為家庭著想,我而家正正係要咁樣做。祝福Kasia一切順利。」

據講,謝路美保定喺聲明中提及嘅前女友Rebecca係喺Kasia之前嘅一任,有指謝路美保定指控Kasia Lenhardt成為自己女友全靠破壞自己同Rebecca嘅關係,更不時威脅謝路美保定。清官難審家庭事,不論誰是誰非,希望死者安息,大家亦珍惜生命。

loading

留言


請按此登錄後留言。未成為會員? 立即註冊
    快捷鍵:←
    快捷鍵:→