利記借將為打比郡射入罰球世界波,學費托經典慶祝諷曼聯

睇足365 於 26/09/2018 發表 收藏文章
噚晚深夜英格蘭聯賽盃第三圈賽事,曼聯主場迎戰英冠球隊打比郡,十人應戰嘅紅魔鬼一度被打比郡反超,只係憑費蘭尼喺補時階段頂入頭槌追平,但就喺互射12碼階段以7-8出局。比賽中,打比郡翼鋒哈利威爾遜 (Harry Wilson) 表現突出,更射入一記精彩罰球,成為《Sky Sports》選出嘅 Man of the match。


比賽59分鐘,曼聯仍領先1-0,打比郡獲得30碼罰球機會,由21歲嘅哈利威爾遜主射。哈利威爾遜左腳內彎熨射,皮球直飛左上角入網,門將羅美路毫無反應。哈利威爾遜憑呢球罰球世界波為打比郡追成1-1。其實,及後曼聯門將羅美路禁區外犯手球被逐,亦正正係為咗化解哈利威爾遜嘅單刀機會,所以哈利威爾遜今場絕對贏波功臣。

https://i.imgur.com/tEcgrFx.gif
為打比郡淘汰曼聯,對哈利威爾遜絕對別具意義,因為佢其實係利物浦借將。現年21歲嘅威爾遜自8歲起已經效力利物浦青年軍,早喺16歲時已入選威爾斯大國腳,上季被外借到侯城,13場聯賽已射入7球。今季被外借到車路士名宿林柏特執教嘅打比郡,對上紅軍死敵曼聯,仍然不忘母會情仇。


威爾遜喺入波之後,右手高舉五隻手指慶祝,呢一幕成為一時網絡熱話,因為呢個動作同前利物浦球星費蘭度托利斯十分相似。2008-09球季,利物浦作客曼聯,費蘭度托利斯單刀擺脫維迪,射破雲達沙十指關,當時佢向住龍門後方嘅曼聯球迷舉起五隻手指,意思係利物浦曾經贏得五次歐聯冠軍,多過曼聯嘅三次。

https://i.imgur.com/Yw0crne.gif

今次威爾遜同樣喺奧脫福球場做出同樣動作,自然令人將兩者聯想起嚟。睇到佢嘅表現同埋對球會嘅愛,唔知高普下季會唔會喺球隊留一個位置俾佢呢?

loading
loading

loading


Source: FoxSportsDailyMail

如果喜歡我們的文章,請即分享到︰

標籤: 哈利威爾遜  

留言


請按此登錄後留言。未成為會員? 立即註冊
    快捷鍵:←
    快捷鍵:→